قصة صاحبة اللسان الطويل

ﺑﻌﺪ ﻣﺎ ﺷﻔﺖ ﺇﻋﻼ‌ﻥ ﺩﻳﺎﻝ ﺍﻟﺨﺪﻣﺔ ﻓﺄﺣﺪ ﺍﻟﻤﻮﺍﻗﻊ ﻗﺮﺭﺕ ﻧﻤﺸﻲ ﻧﺠﺮﺏ ﺯﻫﺮﻱ ﺍﻟﻌﻮﺝ ﻳﻘﺪﺭ ﻫﺎﺩ ﺍﻟﻤﺮﺓ ﻳﺘﻘﺎﺩ ﺗﻘﺎﺩﻳﺖ ﻟﺒﺴﺖ ﺃﺣﺴﻦ ﻣﺎﻋﻨﺪﻱ ﻛﺴﻮﺗﻲ ﺯﺭﻗﺔ ﻭﻃﻠﺒﺖ ﺍﻟﻠﻪ ﻳﺴﻬﻞ ﻋﻠﻴﺎ , ﻓﺎﺵ ﻭﺻﻠﺖ ﻗﺎﻟﻮﻟﻲ ﻫﻮﻣﺎ ﻣﺎﻣﺤﺘﺎﺟﻴﻨﺶ ﺍﻧﻔﻮﺟﺮﺍﻓﻴﺴﺖ (ﻣﺼﻤﻤﺔ ﺇﻋﻼ‌ﻧﺎﺕ) ﻭﻟﻜﻦ ﻣﺤﺘﺎﺟﻴﻦ ﻟﻠﻲ ﻳﻄﺒﻊ ﻟﻴﻬﻢ ﻟﻮﺭﺍﻕ ﻭﻗﻠﺖ ﻟﻴﻬﻢ ﻣﻢ ﻣﻮﺍﻓﻘﺔ ﺣﻴﺖ ﻛﻨﺖ ﻣﺤﺘﺎﺟﺔ ﺍﻟﺨﺪﻣﺔ ﺑﺰﺍﺍﺍﻑ

ﻣﻦ ﺑﻌﺪ ﻣﺎ ﺗﻘﺒﻠﺖ ﺑﺪﻳﺖ ﻣﻌﺎﻫﻢ ﺍﻟﺨﺪﻣﺔ ﺩﺍﻙ ﺳﻴﻤﺎﻧﺔ. ﻓﺴﻴﻤﺎﻧﺔ ﻭﺣﺪﺓ ﻋﺮﻓﺖ ﺷﺮﻛﺔ ﻛﺎﻣﻠﺔ ﺗﻘﺮﻳﺒﺎ ﺣﻴﺖ ﺟﻴﺖ ﻓﺒﻼ‌ﺻﺔ ﺣﺎﺿﻴﺔ

ﻛﻮﻟﺸﻲ ﻭﻛﻮﻟﺸﻲ ﻛﺎﻳﺠﻲ ﻋﻨﺪﻱ ﻧﻄﺒﻊ ﻟﻴﻪ ﺃﻭ ﺑﻤﻌﻨﻰ ﺃﺧﺮ ﻧﺪﻳﺮ ﻟﻴﻬﻢ ﻓﻮﻃﻮﻛﻮﺑﻲ ﻫﻬﻪ ﻋﻠﻰ ﺃﺧﺮ ﺍﻳﺎﻣﻲ ﻣﻦ ﺑﻌﺪ ﻣﺎﺧﺪﻳﺖ ﺍﻟﺒﺎﻙ ﻭﻗﺮﻳﺖ ﻋﺎﻣﻴﻦ ﺩﻳﺎﻝ ﻟﻴﺴﻄﻴﺎ ﻭﻟﻴﺖ ﻣﻮﻻ‌ﺕ ﺍﻟﻔﻮﻃﻮﻛﻮﺑﻲ ﻧﺎﺱ ﻋﻨﺪﻫﻢ ﺯﻫﺮ ﻭﺃﻧﺎ ﻋﻨﺪﻱ ﺯﻣﺮ ﺍﻟﻤﻬﻢ ﻫﺪﺍ ﺍﻟﻨﺤﺲ ﺍﻟﻌﻤﻠﻲ

ﺍﺟﻲ ﺗﺸﻮﻓﻮ ﻧﺤﺲ ﺍﻟﺸﺨﺼﻲ ﻣﻦ ﺑﻌﺪ ﻭﺍﺣﺪ ﻧﻬﺎﺭ ﻋﺎﻣﺮ ﺑﺘﻤﺎﺭﺓ ﺩﺧﻠﺖ ﻟﺪﺍﺭ ﻣﺪﻛﺪﻛﺔ ﻳﻼ‌ﻩ ﺟﻠﺴﺖ ﻭﺃﻧﺎ ﻧﺴﻤﻊ ﺯﻏﺎﺭﻳﺖ ﻣﺤﺴﻴﺘﺶ ﺑﺮﺍﺳﻲ ﺗﻠﻘﻴﺖ ﺭﺍﺳﻲ ﻛﻨﻄﻞ ﻣﻦ ﺳﺮﺟﻢ

ﻣﻴﻴﻴﻲ ﺯﻏﺎﺭﻳﺖ ﻛﻴﺠﻴﻮ ﻣﻦ ﺍﻟﻌﻤﺎﺭﺓ ﻟﻲ ﻓﺮﺍﺱ ﺩﺭﺏ ﻣﻦ ﻃﺎﺝ ﺭﺍﺑﻊ ﻣﻦ ﻋﻨﺪ ﺧﺎﻟﺘﻲ ﺣﻠﻴﻤﺔ ﺃﺃﺃﺃﺵ ﻭﺍﻗﻊ ؟؟؟؟

ﻋﻠﻰ ﻣﺎﻓﺨﺒﺎﺭﻛﺶ ﺑﻨﺘﻬﺎ ﻧﺒﻴﻠﺔ ﺗﺨﻄﺒﺎﺕ ﺑﻮﺍﺍﺍﺍﺍﺣﺪ ﺭﺍﺟﻞ ﺳﻴﺪ ﺭﺟﺎﻝ

ﺭﻛﺎﺑﻴﺎ ﻓﺸﻠﻮ ﻋﻠﻴﺎ ﻫﺎﺩﻳﻚ ﻧﺒﻴﻠﺔ ﺍﻟﻔﻠﻴﻔﻠﺔ ﻟﻲ ﻛﺎﻧﺖ ﺩﺭﺍﺭﻱ ﺩﻳﺎﻝ ﺍﻟﻠﻴﺴﻲ ﻛﺎﻣﻠﻴﻦ ﺗﺼﺎﺣﺒﺎﺕ ﻣﻌﻬﻢ ﺗﺨﻄﺒﺎﺕ ﻭﺃﻧﺎ ﻟﻲ ﺩﺍﺧﻠﺔ ﺳﻮﻕ ﺭﺍﺳﻲ ﻋﻤﺮﻭ ﻣﺪﻕ ﻋﻠﻴﺎ ﺷﻲ ﺣﺪ ﺑﺎﻥ ﻟﻴﺎ ﺗﺄﻧﺎ ﻧﺨﺮﺝ ﻃﺮﻳﻖ ﻧﺸﻮﻑ ﻏﻴﺮ ﺳﻌﺪﻫﻢ

ﺃﺵ ﺧﺪﺍﻡ؟

ﻛﻴﺒﻴﻊ ﺗﻘﻠﻴﺔ ﺃﺵ ﻋﺮﻓﻨﻲ ﺃﻧﺎ

ﻣﺸﺒﻬﺘﻴﺶ ﻓﺒﻨﺘﻚ ﺃﻣﺎﻣﺎ ﺃﻧﺎ ﻧﺠﻴﺒﻠﻚ ﺧﺒﺎﺭﻭﺍ ﻫﺎﺍﺍﺩ ﻟﻴﻠﺔ

ﺩيك ﻟﻴﻠﺔ ﻧﻴﺖ ﺧﺮﺟﺖ ﻟﻤﺎﺭﺷﻲ ﻣﻌﺎ ﻏﻴﺘﺔ ﻭ ﻣﺎﺟﺪﺓ ﺃﻋﺰ ﺻﺤﺎﺑﺎﺗﻲ ﻣﻦ ﺍﻻ‌ﻋﺪﺍﺩﻱ ﺣﺠﺔ ﻭﺯﻳﺎﺭﺓ ﻣﻨﻬﺎ ﻧﺸﺮﻱ ﺷﻲ ﻛﺴﻮﺓ ﺣﻴﺖ ﻫﺎﺩﻳﻚ ﺯﺭﻗﺔ ﻟﻲ ﻋﻨﺪﻱ ﻛﺸﻔﺎﺕ ﻣﻨﻴﻦ ﺩﺧﻠﺖ ﻟﺪﺍﻙ ﺷﺮﻳﻜﺔ ﻭ ﺃﻧﺎ ﻟﺒﺴﺎﻫﺎ ﻭﻣﻨﻬﺎ ﻧﻌﺮﻑ ﻗﺼﺔ ﻧﺒﻴﻠﺔ ﺍﻟﻔﻠﻴﻔﻠﺔ ﻏﻴﺘﺔ ﻛﺘﺠﻴﺐ ﻟﺨﺒﺎﺭ ﻭ ﻣﺎﺟﺪﺓ ﻛﺘﻨﺴﻖ ﻟﺨﺒﺎﺭ ﺟﺪﻳﺪﺓ ﻣﻊ ﻟﻘﺪﻳﻤﺔ ﻭﺃﻧﺎ ﻛﻨﺤﻠﻞ ﻭﻛﻨﺪﻳﺮ ﺇﻋﺎﺩﺓ ﺗﺼﺪﻳﺮ ﻫﻪ ﺍﻟﻠﻪ ﻳﻬﺪﻳﻨﺎ ﻭﺻﺎﻓﻲ

- ﻏﻴﺘﺔ: ﺇﻳﻮﺍ ﺃﺟﻨﻴﺔ ﺷﺪﻳﺘﻲ ﻟﺨﺪﻣﺔ ﺃﻭﻣﻘﺒﻴﺘﻴﺶ ﻛﺘﻌﺮﻓﻴﻨﺎ

ﺃﻧﺎ : ﻟﻠﻲ ﻳﺴﻤﻌﻚ ﻳﻘﻮﻝ ﺧﺪﺍﻣﺔ ﻓﺼﻨﺎﻋﺔ ﺍﻟﻨﻮﻭﻱ ﻭﺭﺍﻩ ﻛﻨﺪﻳﺮ ﻏﻴﺮ ﻓﻮﻃﻮﻛﻮﺑﻲ

ﻣﺎﺟﺪﺓ : ﻛﻴﺪﺍﻳﺮ ﺍﻟﻤﺪﻳﺮ ﺩﻳﺎﻝ ﺍﻟﺸﺮﻛﺔ ﻭﺍﺵ ﺯﻭﻳﻦ ﺷﻮﻓﻲ ﻟﻴﺎ ﻣﻌﺎﻩ ﺃ ﻭﺭﻳﺪﺗﻲ ﻭﻻ‌ ﻋﻄﻴﻨﻲ ﻏﻴﺮ ﺍﻟﻔﺎﻳﺲ ﺩﻳﺎﻟﻮ

ﺃﻧﺎ : ﺧﺮﺟﻮ ﻋﻠﻴﻜﻢ ﺭﻭﺍﻳﺎﺕ ﻋﺒﻴﺮ ﻭ ﺃﺣﻼ‌ﻡ ﻋﻘﻠﺘﻲ ﻋﻠﻰ ﺍﻟﻤﺪﻳﺮ ﺩﻳﺎﻝ ﺍﻟﻤﺪﺭﺳﺔ ﺍﻻ‌ﺑﺘﺪﺍٍﺋﻲ ﻗﺮﻉ ﻭﻏﻠﻴﻆ ﻭﺭﺍﺳﻮ ﺷﺎﻳﺐ ﻭ ﻏﻮﺍﺗﻮ ﺳﺎﺑﻘﻮﺍ ﺍﻳﻮﺍ ﺭﺍﻩ ﺗﻮﺃﻡ ﺩﻳﺎﻟﻮ ﺧﻠﻴﻮﻧﺎ ﻣﻦ ﻫﺎﺩ ﺯﻋﺘﺮ ﻧﺒﻴﻠﺔ ﺍﻟﻔﻠﻴﻔﻠﺔ ﺷﻜﻮﻥ ﻫﺪﺍﻙ ﺭﺍﺱ ﺍﻟﺒﻨﺪﻳﺮ ﻟﻲ ﺩﺍﻫﺎ

ﻏﻴﺘﺔ : ﺍﺳﻢ ﻣﻨﻌﻢ ﺍﻟﻌﻤﺮ 24 ﺍﻟﻤﻬﻨﺔ ﺧﺪﺍﻡ ﻓﻤﻘﺎﻃﻌﺔ ﺷﺤﺎﻝ ﻛﻴﺸﺪ ﻓﻠﺘﺎﺕ ﻟﻴﺎ ﺗﻌﺮﻓﺎﺕ ﻋﻠﻴﻪ ﻓﺎﻟﻔﺎﻳﺴﺒﻮﻙ ﻭ ﺗﻼ‌ﻗﺎﺗﻮ ﻓﺎﻟﻤﻘﺎﻃﻌﺔ

ﺃﻧﺎ : ﻧﺎﺭﻱ ﻣﺸﺎﺕ ﻋﻨﺪﻭ ﺗﺎﻝ ﺍﻟﺨﺪﻣﺔ ﻭﺟﻬﺎ ﻗﺎﺻﺢ

ﻣﺎﺟﺪﺓ : ﺍﻳﻮﺍ ﺍﻟﻠﻪ ﻳﻌﻄﻴﻨﺎ ﺯﻫﺮ ﺍﻟﺨﺎﻳﺒﺎﺕ

ﺃﻧﺎ : ﺃﻭﺩﻳﻴﻴﻲ ﺧﺎﻳﺒﺔ ﺃُﻭ ﻣﺎﻋﻨﺪﻱ ﺯﻫﺮ

ﻓﻘﺖ ﺍﻟﺼﺒﺎﺡ ﻓﺮﺣﺎﻧﺔ ﺑﻜﺴﻮﺗﻲ ﺟﺪﻳﺪﺓ ﻭﻟﻜﻦ ﻏﻴﺮ ﺗﻔﻜﺮﺕ ﻃﻮﺑﻴﺲ ﻟﻠﻲ ﺗﺎﺑﻌﻨﻲ ﺟﻤﻌﺖ ﺿﺤﻜﺔ ﻭﺻﻠﺖ ﻟﺸﺮﻛﺔ ﻟﻘﻴﺖ ﻗﺸﻠﺔ ﺩﻳﺎﻝ ﻟﻮﺭﺍﻕ ﻛﻴﺘﺴﻨﺎﻭﻧﻲ ﺃﻧﺎ ﺑﻐﻴﺖ ﻟﻬﺎﺩ ﺷﺮﻛﺔ ﻓﺎﻳﻴﺖ ﻳﺎﺭﺑﻲ ﻳﻌﻄﻴﻮﻧﻲ ﺍﻟﺘﻌﻮﻳﺾ ﻧﺠﻠﺲ ﻓﺪﺍﺭﻧﺎ ﺑﻘﻴﺖ ﻣﻦ 09 ﺗﺎﻝ 11 ﻭﺍﻧﺎ ﻛﻨﻄﺒﻊ ﻓﺪﺍﻙ ﻟﻮﺭﺍﻕ ﻭﻟﻴﺖ ﻛﻨﺨﺪﻡ ﻛﺘﺮ ﻣﻦ ﺍﻟﻤﺎﻛﻴﻨﺔ ﻳﺎﻻ‌ﻩ ﺑﻐﻴﺖ ﻧﺮﺗﺎﺡ ﺑﺪﻳﺖ ﻛﻨﺸﻢ ﻭﺍﺣﺪ ﺭﻳﺤﺔ ﺑﺎﻳﻨﺔ ﻋﻠﻴﻬﺎ ﻏﺎﻟﻴﺔ ﺧﻔﻴﻔﺔ ﺷﻮﻳﺔ  ﻣﺠﻬﺪﺓ ﻫﺰﻳﺖ ﺭﺍﺳﻲ ﻟﻘﻴﺖ ﺳﻴﻜﺮﻳﺘﻴﺮﺍ ﺩﻳﺎﻝ ﺍﻟﻤﺪﻳﺮ ﺻﺒْﺤﻨﺎ ﻋﻠﻰ ﺍﻟﻠﻪ

ﺑﻐﻴﺘﻚ ﺗﻜﺘﺒﻲ ﻟﻴﺎ ﻫذا ﻟﻮﺭﺍﻕ ﻭ ﺗﺒﺪﻟﻲ ﺍﻷ‌ﺭﻗﺎﻡ ﻟﻠﻲ ﻣﻀﺮﻭﺏ ﻋﻠﻴﻬﻢ ﻭﺗﻄﺒﻌﻴﻬﻢ ﺑﻐﻴﺘﻬﻢ ﻗﺒﻞ ﻟﺒْﻮﺱْ ﺩﻳﺎﻝ ﺍﻟﻐﺪﺍ ﻳﻜﻮﻧﻮ ﻣﺤﻄﻮﻃﻴﻦ ﻓﺎﻟﺒﻴﺮﻭ ﺩﻳﺎﻟﻲ ﺃﻭﻛﻲ (ﺑﻐﻴﺖ ﺍﻟﺤﻴﻂ ﻳﻀﺮﺑﻚ ﻟﺪﺍﻙ ﺍﻟﻜﻤﺎﺭﺓ) ﻭﻟﻜﻦ ﺍﻧﺎ ﻣﻜﻠﻔﺔ ﻫﻨﺎ ﻏﻴﺮ ﺑﻄﺒﻴﻊ

ﻟﻲ ﻗﺒﻞ ﻣﻨﻚ ﻛﺎﻧﺖ ﻛﺎﺩﻳﺮ ﻛﻮﻟﺸﻲ ﺃﻭ ﻳﺎﻙ ﺃﻧﺖ ﺃﻧﻔﻮﺟﺮﺍﻓﻴﺴﺖ ﺍﻳﻮﺍ ﺿﺒﺮﻱ ﺭﺍﺳﻚ ﻻ‌ﺣﺖ ﻟﻴﺎ ﻟﻮﺭﺍﻕ ﻓﻮﻕ ﻃﺒﻠﺔ ﺍﻭﺧﺮﺟﺎﺕ ﺍﻟﻠﻪ ﻳﺨﺮﺝ ﻟﻴﻬﺎ ﺍﻟﻌﻘﻞ ﻳﺨﺨﺦ ﻳﺎﻻ‌ﻩ ﺑﻐﻴﺖ ﻧﺮﺗﺎﺡ ﺃﻭﻑ ﺑﺪﻳﺖ ﻛﻨﻜﺘﺐ ﻓﻴﻬﻢ ﺗﺎ ﻭﺻﻼ‌ﺕ 2 ﺃﻭ ﻭﺻﻼ‌ﺕ ﻟﻴﺎ ﻟﻘﺮﺩﺓ ﻟﺮﺍﺱ ﻣﺸﻴﺖ ﻛﻨﺴﻮﻝ ﻋﻠﻰ ﺍﻟﺒﻴﺮﻭ ﺩﻳﺎﻟﻬﺎ ﻟﻘﻴﺘﻮ ﻓﻄﺎﺝ ﻟﺨﺮ ﻋﺮﻓﺖ ﻟﺒﻴﺮﻭ ﺩﻳﺎﻟﻬﺎ ﻏﻲ ﺑﺮﻳﺤﺘﻬﺎ ﻟﻘﻴﺘﻬﺎ ﻣﺰﺍﻝ ﻣﺠﺎﺕ ﻟﺤﺖ ﻟﻴﻬﺎ ﻟﻮﺭﺍﻕ ﻓﻮﻕ ﻃﺒﻠﺔ ﺑﻨﻔﺲ ﻃﺮﻳﻘﺔ ﻟﻲ ﻻ‌ﺣﺘﻬﻮﻡ ﻟﻴﺎ ﻫﻴﺎ - ﺍﻟﻠﻪ ﻳﻌﺪﺑﻬﺎ ﻛﻲ ﻋﺪﺑﺎﺗﻨﻲ ﺃﻧﺎ ﺑﻐﻴﺖ ﻟﻴﻬﺎ ﻳﺎﺍﺍﺍ ﺭﺑﻲ ﻧﻬﺎﺭ ﻋﺮﺳﻬﺎ ﻳﻬﺮﺏ ﻟﻴﻬﺎ ﻟﻌﺮﻳﺲ ﺃﻣﻴﻦ

ﺍﺣﻢ ﺍﺣﻢ ﺃﺵ ﻛﺪﻳﺮﻱ ﺍﻧﺘﻲ ﻫﻨﺎ(ﺑﻨﺒﺮﺓ ﺍﻻ‌ﺣﺘﻘﺎﺭ) ﺟﺎﻧﻲ ﺻﻮﺕ ﺩﻳﺎﻝ ﺭﺍﺟﻞ ﻣﻦ ﻟﻮﺭ ﺗﺼﺪﻣﺖ ﺩﺭﺕ ﺩﻭﺭﺓ ﻃﻮﺑﻴﺲ ﻗﻠﺒﻲ ﺑﺪﺍ ﻛﻴﻀﺮﺏ ﻋﻨﺪﺍﻙ ﻏﻴﺮ ﻳﻜﻮﻥ ﺳﻤﻌﻨﻲ ﻫﻮ ﺭﺍﺟﻞ ﻓﻲ ﻣﻘﺘﺒﻞ ﺍﻟﻌﻤﺮ ﻃﻮﻳﻞ ﻭﺳﻤﺮ ﺷﻮﻳﺎ ﻣﺒﺮﻭﻧﺰﻱ ﺍﻭ ﺻﺎﻓﻲ - ﺃﺵ ﺑﺎﻥ ﻟﻴﻚ ﻛﻨﺒﻴﻊ ﺩﻧﺠﺎﻝ ﻭﻻ‌ ﻟﻔﻠﻔﻠﺔ (ﺑﻨﺒﺮﺓ ﺍﻻ‌ﺳﺘﻬﺰﺍﺀ) ﻳﻼ‌ﻩ ﺑﻐﺎ ﻳﻨﻄﻖ ﺍﻭﻫﻲ ﺩﺧﻞ ﺩﺍﻙ ﺍﻟﻤﺼﻴﺒﺔ ﺩﻳﺎﻝ ﺳﻜﺮﻳﺘﻴﺮﺍ ﻗﺎﻟﺖ ﻟﻴﺎ

ﺃﺵ ﻛﺪﻳﺮﻱ ﺍﻧﺘﻲ ﻫﻨﺎ

ﺧﺪﻣﺘﻚ ﺃﻣﺪﺍﻡ ﻟﻲ ﻗﻠﺘﻲ ﻟﻴﺎ ﻧﺨﺪﻣﻬﺎ ﻟﻴﻚ ﻫﺎﻫﻲ ﺧﺪﻣﺘﻬﺎ ﻭﻫﺎﻧﺎ ﺣﻄﻴﺘﻬﺎ ﻟﻴﻚ ﻗﺒﻞ ﻣﺎﺭﺟﻌﺘﻲ ﻣﻦ ﺍﻟﺒﻮﺱ ﺩﻳﺎﻝ ﺍﻟﻐﺪﺍ

ﺷﻔﺘﻬﺎ ﺑﺪﺍﺕ ﻛﺘﻠﻮﻥ ﻭﺩﺍﻙ ﺳﻠﻮﻡ ﻟﻲ ﻛﺎﻥ ﻣﺰﺍﻝ ﻭﺍﻗﻒ ﻛﻴﺨﻨﺰﺭ ﻓﻴﺎ ﺍﻭ ﻓﻴﻬﺎ ﻭﺃﻧﺎ ﻧﺨﺮﺝ ﻗﺒﻞ ﻣﺎ ﻳﺼﻔﻴﻮﻫﺎ ﻟﻴﺎ ﺍﻟﻤﻬﻢ ﺭﺩﻳﺖ ﻟﻴﻬﺎ ﺻﺮﻑ ﻏﻴﺮ ﺑﻼ‌ﺗﻲ ﺍﻻ‌ ﻣﻮﺻﻼ‌ﺗﺶ ﺧﺒﺎﺭﻫﺎ ﻟﻌﻤﻲ ﺍﻟﻤﺪﻳﺮ ﺃﻧﺎ ﻣﺎﻧﺘﺴﻤﺎﺵ ﻋﻼ‌ﻝ ﺍﻟﻔْﺮْﺷَﺔ ﻧﻬﺎﺭ ﻟﻮﻝ ﻛﻴﻤﻮﺕ ﺍﻟﻤﺶ ﻭﺃﻧﺎ ﻏﻨﻮﺭﻳﻬﺎ ﺳﻠﻮﻏﻴﺔ ﻛﺪﺍﻳﺮﺓ ﻳﻼ‌ﻩ ﻭﺻﻠﺖ ﺑﻐﻴﺖ ﻧﺮﺗﺎﺡ ﺃﻭ ﻧﺘﻐﺪﻯ ﺷﺤﺎﻝ ﻣﺸﻬﻴﺔ ﺩﻧﺠﺎﻝ ﻭ ﻟﻔﻠﻔﺔ ﻣﻤﻤﻤﻢ

ﺍﺧﺘﻲ ﺭﺍﻧﻴﺎ ﻋﺎﻓﺎﻙ ﻃﺒﻌﻴﻠﻴﺎ ﻏﻴﺮ ﻫﺎﺩ ﻟﻮﺭﻳﻘﺎﺕ ﺑﺰﺭﺑﺔ 

ﺧﻮﻳﺎ ﺳﻌﻴﺪ ﻧﺘﻐﺪﻯ ﻭﻧﻄﺒﻊ ﻟﻴﻚ ﺩﺍﻙ ﺍﻟﻘﺸﻠﺔ ﺩﻳﺎﻝ ﻟﻮﺭﺍﻕ ﺭﺍﻩ ﺍﺧﺘﻚ ﺑﺎﻗﻲ ﻣﺪﺍﻗﺘﺶ ﺍﻟﻨﻌﻤﺔ 

ﻋﺎﻓﺎﻙ ﺃﺧﺘﻲ ﺭﺍﻩ ﻏﺎﻳﺠﺮﻳﻮ ﻋﻠﻴﺎ ﺍﻟﻰ ﻣﻠﻘﺎﻭﺵ ﺍﻟﺨﺪﻣﺔ ﻭﺍﺟﺪﺓ

ﻏﻴﺮ ﺃﺟﻲ ﻭﺟﺮﻱ ﻭﻋﻼ‌ﺵ ﻋﻠﻰ ﻓﻮﻃﻮﻛﻮﺑﻲ ﺃﺭﺍ ﺩﺍﻙ ﻟﻮﺭﺍﻕ ﻫﻬﻪ

ﻭﺑﺪﻳﻨﺎ ﻛﻨﻀﺤﻜﻮ ﻋﻠﻰ ﻣﻜﻴﺘﻄﺒﻌﻮ ﻟﻮﺭﺍﻕ ﺗﻜﻨﺴﻤﻌﻮ ﻭﺍﺣﺪ ﺻﻮﺕ ﻛﻴﻐﻮﺕ ﻋﻠﻴﻨﺎ 

ﺃﺵ ﻛﺎﺩﻳﺮﻭ ﻧﺘﻮﻣﺎ ﺟﻮﺝ ﺩﺭﻱ ﻟﻲ ﻛﺎﻥ ﻣﻌﺎﻳﺎ ﺳﻠﺖ ﻣﻌﺮﻓﺖ ﻣﻨﻴﻦ ﺩﺍﺯ ﺧﻼ‌ ﻭﺭﺍﻗﻮ ﻭﺯﺍﺩ ﻫﺰﻳﺖ ﺭﺍﺳﻲ ﻟﻘﻴﺖ ﻫﺎﺩﺍﻙ ﺭﺍﺟﻞ ﻟﻲ ﻛﺎﻥ ﻓﻠﺒﻴﺮﻭ ﺩﻳﺎﻝ ﺳﻜﺮﺗﻴﺮﺍ 

ﻣﺎﺗﻤﺸﺎﺵ ﻟﻴﺎ ﺩﻧﺠﺎﻝ ﻭﻟﻴﺖ ﻛﻨﺒﻴﻊ ﺍﻟﺨﺮﺷﻒ ﻏﻴﺮ ﺑﻐﺎ ﻳﻬﻀﺮ ﻭﻟﻠﻤﺮﺓ ﺗﺎﻧﻴﺔ ﻣﺤﺎﻟﻔﻮﺵ ﺍﻟﺤﻆ ﺻﻮﻧﺎ ﻋﻠﻴﻪ ﺗﻴﻠﻴﻔﻮﻥ ﺃﻭ ﻣﺸﺎ ﻣﺸﻴﺔ ﺑﻼ‌ ﺭﺟﻌﺔ 

ﺳﻲ ﺳﻌﻴﺪ ﻓﻴﻦ ﻋﻠﻘﺘﻲ

ﺷﻨﻮ ﺑﻐﺎ ﺭﺋﻴﺲ ﺍﻟﺸﺮﻛﺔ ؟؟ 

ﺭﺋﻴﺲ ﻛﻔﺎﺵ ؟؟ 

ﻟﻠﻲ ﻛﺎﻥ ﻭﺍﻗﻒ ﻫﻨﺎ ﺭﺍﻩ ﻫﻮ ﻣﻮﻝ ﺍﻟﺸﺮﻛﺔ 

ﻫﻬﻬﻪ ﻋﻨﺪﻛﻢ ﺍﻟﺮﺋﻴﺲ ﻭ ﺍﻟﻤﺪﻳﺮ ﻫﺎﺩﻱ ﻣﺎﺷﻲ ﺷﺮﻛﺔ ﻫﺎﺩﻱ ﺟﻤﻬﻮﺭﻳﺔ ﻏﻴﻨﻴﺎ ﺍﻻ‌ﺳﺘﻮﺍﺋﻴﺔ ﺷﺪ ﺷﺪ ﻭﺭﺍﻗﻚ ﺭﺍﻩ ﺍﻧﺎ ﻟﻴﻮﻡ ﻟﻲ ﻏﺎﻳﺠﺮﻳﻮ ﻋﻠﻴﺎ ﺧﺪﺍ ﻭﺭﺍﻗﻮ ﺍﻭ ﻣﺸﻰ ﺃﻭ ﻣﺸﺎﺕ ﻣﻌﺎﻩ ﺧﺪﻣﺘﻲ ﺟﻠﺴﺖ ﻣﻦ ﻛﺘﺮﺓ ﺻﺪﻣﺔ ﻭ ﺟﻮﻉ ﻭ ﺑﺪﻳﺖ ﻛﻨﻔﻜﺮ ﻭﺍﺵ ﻏﺎﺩﻱ ﻳﺨﻠﺼﻮﻧﻲ ﻋﻠﻰ ﻫﺎﺩ ﻧﺺ ﺷﻬﺮ ﻧﺮﺩ ﻏﻴﺮ ﺍﻟﻜﺮﻳﺪﻱ ﺩﻳﺎﻝ ﻫﺎﺩ ﺍﻟﻜﺴﻮﺓ ﺍﻟﻲ ﺩﺍﺧﻠﺔ ﻋﻠﻴﺎ ﺑﻨﺤﺲ ﻭﺻﻼ‌ﺕ 4 ﻣﺎﺟﺎ ﻋﻨﺪﻱ ﺣﺪ ﻫﺰﻳﺖ ﺻﺎﻛﻲ ﻭﻫﺮﺑﺖ

ﻓﻘﺖ ﺻﺒﺎﺡ ﺑﻜﺮﻱ ﻣﺨﻠﻮﻋﺔ ﻭﺧﺎﻳﻔﺔ ﻣﻠﻲ ﺟﺎﻱ ﺑﺤﺎﻝ ﻟﻐﺎﺩﻱ ﻧﺪﻭﺯ ﻟﺒﺎﻙ ﺃﺷﻨﻮ ﻫﻲ ﺃﺳﻮﺃ ﺣﺎﺟﺔ ﺗﻘﺪﺭ ﺗﻮﻗﻊ ﻳﺠﺮﻳﻮ ﻋﻠﻴﺎ ﻛﻴﻒ ﻟﻘﻴﺖ ﻫﺎﺩ ﺍﻟﺨﺪﻣﺔ ﻧﻠﻘﻰ ﻏﻴﺮﻫﺎ ﺭﺑﻲ ﻛﺒﻴﻴﻴﺮ ﻫﺎﺩﺷﻲ ﺑﺎﺵ ﺻﺒّﺮﺕ ﺭﺍﺳﻲ ﻭﺧﺮﺟﺖ ﻣﻦ ﺩﺍﺭ ﻭﺻﻠﺖ ﻟﺸﺮﻛﺔ ﻣﻠﻘﻴﺖ ﺗﺎ ﻭﺭﻗﺔ ﻛﺘﺴﻨﺎﻧﻲ ﻭ ﺍﻟﻤﻮﻇﻔﻴﻦ ﻛﻴﻀﺤﻜﻮﺍ ﻧﺎﺭﻱ ﻳﺎﻛﻤﺎ ﻛﻴﻀﺤﻜﻮ ﻋﻠﻴﺎ ﻭﻭﺍﺣﺪ ﻣﻨﻬﻮﻡ ﺑﺪﺍ ﻛﻴﻘﻮﻟﻴﺎ 

ﻫﺎﻧﺘﻲ ﺃﻻ‌ﻟﺔ ﺭﺍﻧﻴﺎ ﻏﺘﺸﺒﻌﻲ ﺭﺍﺣﺔ 

ﻭﺟﻬﻲ ﻭﻻ‌ ﺑﻴﺾ ﻣﺸﻰ ﻣﻨﻮ ﻟﻮﻥ ﺍﻟﻠﻪ ﻳﺎﺭﺑﻲ ﺍﻟﻠﻪ ﺩﻧﻴﺎ ﻛﻮﻟﻬﺎ ﺳﺎﻗﺖ ﻟﻴﺎ ﺍﻟﺨﺒﺎﺭ ﺟﺎﺕ ﻋﻨﺪﻱ ﺧﺪﻳﺠﺔ ﻣﻮﻇﻔﺔ ﻣﻜﻠﻔﺔ ﺑﺎﻟﺤﺴﺎﺑﺎﺕ 

ﻣﺎﻟﻜﻲ ﻳﺎﻙ ﻟﺒﺎﺱ ﺧﺼﻜﻲ ﺗﻔﺮﺣﻲ ﺍﻟﺮﺋﻴﺲ ﻭ ﺳﻴﻜﺮﻳﺘﻴﺮﺗﻮ ﺳﺎﻓﺮﻭ ﺍﻟﺒﺎﺭﻳﺲ ﻋﻨﺪﻫﻢ ﺷﻲ ﺍﺗﻔﺎﻗﻴﺔ ﺩﻳﺎﻝ ﺷﺮﻛﺔ ﺟﻮﻭﻭﺝ ﺳﻴﻤﺎﻧﺎﺕ ﺳﻌﺪﺍﺗﻬﺎ ﺑﻨﺖ ﺍﻟﻬﻢ ﻭﺳﻌﺪﺍﺗﻨﺎ ﺗﺎﺣﻨﺎ ﻧﺨﺪﻣﻮ ﻣﺮﺧﻮﻓﻴﻦ ﺟﻮﺝ ﺳﻴﻤﺎﻧﺎﺕ ﻏﺎﻧﻜﻮﻥ ﻛﻤﻠﺖ ﺷﻬﺮﻱ ﻭﺃﺧﻴﺮﺍ ﺍﺑﺘﺴﻢ ﻟﻲ ﺍﻟﺤﻆ ﺍﻟﺤﻤﺪ ﺍﻟﻠﻪ ﺩﺍﺯﺕ ﺳﻴﻤﺎﻧﺔ ﺩﻏﻴﺎ ﻧﺎﺩﺭﺍ ﻓﻴﻦ ﻛﻴﺠﻴﺐ ﻟﻴﺎ ﺷﻲ ﺣﺪ ﺷﻲ ﻭﺭﻗﺔ ﺻﺪﻕ ﻣﻦ ﻗﺎﻝ "ﻏﻴﺮ ﻛﻴﻐﻴﺐ ﺍﻟﻘﻂ ﻛﻴﺪﻳﺮﻭﺍ ﺍﻟﻔﺌﺮﺍﻥ ﻣﺎ ﻫﺎﻥ ﻋﻠﻴﻬﻢ " ﻭ ﺣﺘﻰ ﺩﺍﻙ ﺍﻟﻤﺪﻳﺮ ﻏﻴﺮ ﻣﺤﻄﻮﻁ ﺩﻳﻜﻮﺭ ﺣﻴﺖ ﻛﺎﻥ ﺻﺎﺣﺐ ﺑﺎﺕ ﻣﻮﻝ ﺍﻟﺸﺮﻛﺔ ﻭﻣﺠﺎﺗﺶ ﻳﺠﺮﻳﻮ ﻋﻠﻴﻪ ,,, ﺷﺮﻛﺔ ﻛﻮﻟﻬﺎ ﺧﺮﺟﺎﺕ ﺗﻐﺪﺍ ﺃﻭ ﺣﻴﺖ ﺃﻧﺎ ﻣﻴﺰﺍﻧﻴﺘﻲ ﻣﻜﺎﺗﺴﻤﺤﺶ ﻧﺎﻛﻞ ﺑﺮﺍ ﻛﻨﺼﻠﻖ ﺑﻴﻀﺔ ﻭﻧﺠﻴﺒﻬﺎ ﻧﺘﻐﺪﻯ ﺑﻴﻬﺎ ﺣﺴﻴﺖ ﺑﺎﻟﻤﻠﻞ ﻟﺪﺭﺟﺔ ﻣﻠﻴﺖ ﺍﻟﻔﺎﻳﺴﺒﻮﻙ ﻭﺣﻠﻴﺖ ﺍﻟﻤﺰﺭﻋﺔ ﺍﻟﺴﻌﻴﺪﺓ ﻭﺑﺪﻳﺖ ﻛﻨﺤﺼﺪ ﺃﻭﻧﺰﺭﻉ ﻭﻧﻮﻛﻞ ﺍﻟﺒﻘﺮ ﻫﻪ 

ﺃﺵ ﻛﺎﺩﻳﺮﻱ ؟؟؟

ﻛﻨﻌﻠﻒ ﺍﻟﺒﻘﺮ ﺍﺷﻜﺎﻧﺪﻳﺮ ﺩﺭﺕ ﻧﺺ ﺩﻭﺭﺓ ﻓﻴﻪ ﻫﻴﻴﻴﻴﻴﻴﻲ ﻣﻮﻝ ﺷﺮﻛﺔ ﻟﻴﻮﻡ ﻳﺪﺑﺤﻨﻲ ﺃﻧﺎ ﻭ ﺍﻟﺒﻘﺮ

ﺣﺴﺎﺑﻲ ﻣﻌﺎﻙ ﻫﻮ ﺍﻟﺨﺮ ﻓﻴﻨﻬﻮﻣﺎ ﺍﻟﻤﻮﻇﻔﻴﻦ ؟؟؟ 

ﻣﻤﻤﻤﺸﺎﻭ ﻳﻌﻠﻔﻮﺍ ﺃﺃﺃﺃ ﻳﺘﻐﺪﺍﻭ 

ﻛﻮﻟﻬﻮﻡ ﺟﻮﺝ ﻭﻧﺺ ﻫﺎﺩﻱ ﻓﺎﺕ ﺍﻟﺒﻮﺱ ﺩﻳﺎﻝ ﺍﻟﻐﺪﺍ ﺑﻨﺺ ﺳﺎﻋﺔ 

ﻧﻤﺸﻲ ﻧﻌﻴﻂ ﻟﻴﻬﻮﻡ 

ﻭﺍﺵ ﻧﺘﻲ ﺣﻤﻘﺔ ﺗﺒﻌﻴﻨﻲ ﺩﺍﺑﺎ ﻟﺒﻴﺮﻭ ﺩﻳﺎﻟﻲ ﺑﺎﻗﻲ ﻣﻜﻤﻠﺶ ﺩﻭﺭﺓ ﻭﻫﻲ ﺗﻘﻮﻝ ﺍﻟﺒﻘﺮﺓ ﻟﻲ ﻓﺎﻟﻤﺰﺭﻋﺔ ﻣﻤﻤﻤﻤﻮﻭﻭﻭﻭﻭﻭ ﺧﻨﺰﺭ ﻓﻴﺎ ﻭﺍﺍﺍﺍﺣﺪ ﺗﺨﻨﺮﻳﺮﺓ ﻛﻮﻥ ﻛﺎﻧﻮ ﺷﻮﻓﺎﺕ ﻛﻴﻘﺘﻠﻮ ﻛﻮﻥ ﻗﺘﻠﻨﻲ ﺳﺪﻳﺖ ﻓﺎﻳﺴﺒﻮﻛﻲ ﻭﺗﺒﻌﺘﻮ ﺑﺰﺭﺑﺔ ﺩﺧﻠﺖ ﻟﻘﻴﺘﻮ ﻛﻴﻜﺘﺐ ﻓﺸﻲ ﻭﺭﻗﺔ ﺑﺎﻳﻨﺔ ﺩﻳﺎﻝ ﻃﺮﺩ ﺍﻟﻔﻮﺭﻱ ﺩﻳﺎﻟﻲ 

ﻗﻠﺒﻲ ﻟﻴﺎ ﻋﻠﻰ ﻫﺎﺩ ﺩﻭﺳﻴﺎﺕ ﺑﺰﺭﺑﺔ ﺑﻐﻴﺘﻬﻢ ﻳﻜﻮﻧﻮ ﻋﻨﺪﻱ ﻓﺪﻗﻴﻘﺔ ﺃﻭﻳﻴﻠﻲ ﻓﻴﻦ ﻏﺎﺩﻱ ﻧﻘﻠﺐ ﻋﻠﻴﻬﻢ ﺑﺪﻳﺖ ﻛﻨﺸﻮﻑ ﻓﺎﻟﺒﻴﺮﻭ ﺩﻳﺎﻝ ﺳﻴﻜﺮﻳﺘﺮﺗﻮ ﺟﺎﺏ ﺍﻟﻠﻪ ﻣﺮﺗﺒﺔ ﺩﻭﺳﻴﺎﺕ ﺑﺎﻟﺤﺮﻭﻑ ﻟﻘﻴﺘﻬﻢ ﺑﺰﺭﺑﺔ ﺃﺩﻳﺘﻬﻮﻡ ﻟﻴﻪ ﻋﻄﺎﻧﻲ ﻛﻤﺸﺔ ﺩﻳﺎﻝ ﻟﻮﺭﺍﻕ ﺗﺎﻧﻲ 

ﺻﺤﻲ ﺍﻷ‌ﺭﻗﺎﻡ ﺑﺎﻷ‌ﺭﻗﺎﻡ ﻟﻲ ﻣﻜﺘﻮﺑﻴﻦ ﺑﺴﺘﻴﻠﻮ ﻭﺍﺳﺘﻌﻤﻠﻲ ﻻ‌ﺗﻮﺏ ﺩﻳﺎﻝ ﺻﻮﻓﻴﺎ (ﺳﻴﻜﺮﺗﻴﺮ ﺍ) ﻏﺎﺑﻴﺪ ﺃﺵ ﻫﺎﺩ ﺯﻫﺮ ﻛﻨﺎ ﻣﺮﺗﺎﺣﻴﻦ ﺗﺎ ﻧﺰﻻ‌ﺕ ﻟﻴﻨﺎ ﺣﺠﺮﺓ ﻓﻮﻕ ﺭﺍﺱ ﻛﺘﺒﺘﻬﻮﻡ ﻭﻃﺒﻌﺘﻬﻮﻡ ﻭﺩﻳﺖ ﻫﻮﻡ ﻟﻴﻪ - ﻧﺎﺭﻱ ﻧﻠﻘﻰ ﻏﻼ‌ﻁ ﻭﺍﺣﺪ ﻟﻴﻮﻡ ﺗﺪﻓﻌﻲ ﺗﻤﻦ ﻓﻌﺎﻳﻠﻚ ﺑﺪﻭﺑﻞ ﻫﻴﻴﻴﻴﻴﻲ ﺯﺍﺩ ﻋﻄﺎﻧﻲ ﻗﺸﻠﺔ ﺩﻳﺎﻝ ﻟﻮﺭﺍﻕ ﻧﺎﺭﻱ ﺍﻟﻰ ﻗﺎﻟﻲ ﺻﺤﻴﻬﻮﻡ ﻏﺎﺩﻱ ﻧﻤﻮﺕ ﻟﻴﻪ ﻫﻨﺎ - ﻃﺒﻌﻴﻬﻮﻡ ﻭﺟﻤﻌﻴﻬﻮﻡ ﻋﻠﻰ ﺷﻜﻞ ﺩﻭﺳﻴﺎﺕ ﻧﺰﻟﺖ ﺑﺎﺵ ﻧﻄﺒﻌﻬﻮﻡ ﻟﻘﻴﺖ ﺍﻟﻤﻮﻇﻔﻴﻦ ﺑﺎﻗﻴﻴﻦ ﻣﻘﺼﺮﻳﻴﻦ 

ﺳﻜﻮﻭﻭﻭﺕ ﺭﺍﻩ ﻣﻮﻝ ﺍﻟﻠﺒﻦ ﺃﺃﺃ ﺍﻟﺸﺮﻛﺔ ﺣﺎﻟﻒ ﻋﻠﻴﻜﻢ ﻭﺍﺣﺪ ﺑﺎﻟﻮﺍﺣﺪ ﺗﻌﻄﻠﺘﻮ ﻧﺺ ﺳﺎﻋﺔ ﻓﺎﻟﺒﻮﺱ ﺩﻳﺎﻝ ﺍﻟﻐﺪﺍ 

 ﺣﻠﻔﻴﻴﻴﻲ

ﻭ ﺣﻖ ﺳﻴﺪﻱ ﺭﺑﻲ ﻭﺭﺍﻩ ﺑﺪﺍ ﻳﻨﺘﻘﻢ ﻣﻨﻲ ﺃﻧﺎ ﻟﻮﻻ‌ ﺣﻞ ﺳﻜﻮﺕ ﻣﻔﺎﺟﺊ ﻭﻛﻞ ﻭﺍﺣﺪ ﺗﺨﺸﻰ ﻓﺎﻟﺒﻮﺳﻂ ﺩﻳﺎﻟﻮ ﻭﺻﻼ‌ﺕ ﻝ 5 ﻭﺃﻧﺎ ﺑﺎﻗﺔ ﻛﻨﺴﺘﻒ ﻓﺪﺍﻙ ﺍﻟﻮﺭﺍﻕ ﺳﻠﻴﺘﻬﻢ ﻋﻄﻴﺘﻬﻢ ﻟﻴﻪ ﻛﺎﻥ ﺑﺎﻳﻦ ﻓﻴﻪ ﺍﻟﻌﻴﺎ ﻭﺍﺣﺘﻰ ﺃﻧﺎ ﻋﻴﻴﺖ 

ﺷﺎﻑ ﺑﻐﻴﺖ ﻧﻤﺸﻲ ﺑﺤﺎﻟﻲ

ﺃُﻭﻛﻲ ﻭﻟﻜﻦ ﺃﺟﻲ ﻏﺪﺍ ﺍﻥ ﺷﺎﺀ ﺍﻟﻠﻪ ﻣﻊ 8 ﻧﻠﻘﺎﻙ ﻫﻨﺎ ﻭﺍﻟﻰ ﺗﻌﻄﻠﺘﻲ ﻏﻴﺮ ﺑﻼ‌ ﻣﺘﺪﺧﻠﻲ 

ﻭﺳﻴﻜﺮﻳﺘﺮﺗﻚ؟؟ 

ﺑﺎﻗﺎ ﻓﺒﺎﺭﻳﺲ ﻓﻤﺆﺗﻤﺮ ﻣﻐﺎﺗﺠﻲ ﺗﺎﻝ ﺳﻴﻤﺎﻧﺔ ﺟﺎﻳﺎ ﻭﺍﻧﺘﻲ ﻏﺘﺨﺪﻣﻲ ﺑﻼ‌ﺻﺘﻬﺎ 

ﻭﻟﻜﻦ ﻣﻜﺎﻧﻌﺮﻓﺶ ﻧﺨﺪﻡ ﺧﺪﻣﺘﻬﺎ 

ﻟﺴﺎﻧﻚ ﻃﻮﻳﻞ ﻭﺃﺵ ﻛﺘﻌﺮﻓﻲ ﺩﻳﺮﻱ ﺗﻠﻌﺒﻲ ﻣﻊ ﺍﻟﺒﻘﺮ ﺍﻟﻰ ﻣﺒﻐﺘﻴﺶ ﺗﺠﻲ ﻣﺘﺠﻴﺶ ﻧﻬﺎﺋﻴﺎ ﺑﺴﻼ‌ﻣﺔ 

ﺑﺴﻼ‌ﻣﺔ ﻳﺦ ﻋﻠﻰ ﻣﻮﻭﻭﻭﺻﻴﺒﺒﺔ ﻛﺘﻌﺮﻓﻮ ﻏﻴﻴﺮ ﻏﺘﺨﺪﻣﻲ ﺑﻼ‌ﺻﺘﻬﺎ ﻣﺎﺷﻲ ﺗﺸﺪﻱ ﺧﻠﺼﺘﻬﺎ

ﻓﻘﺖ ﻣﻦ ﻧﻌﺎﺱ ﻭﺍﻗﻔﺔ ﻣﻦ ﻛﺜﺮﺕ ﺍﻟﻜﻮﺍﺑﻴﺲ ﻟﻲ ﺟﺎﻭﻧﻲ .. ﻣﻮﻝ ﺷﺮﻛﺔ ﻫﺎﺯ ﻋﻠﻴﺎ ﺗﻴﻴﻮ ﻟﺤﻤﺮ ﻟﻲ ﻛﻨﺖ ﻛﻨﺎﻛﻞ ﺑﻴﻪ ﺍﻟﻌﺼﺎ ﻋﻠﻰ ﺟﺪﻭﻝ ﺍﻟﻀﺮﺏ ﻭ ﺍﻹ‌ﻋﺮﺍﺏ ﻭﻛﺎﻳﻐﻮﺕ ﻋﻠﻴﺎ ﻭﺃﻧﺎ ﻣﺨﺸﻴﺎ ﻓﺒﺰﺍﺍﻑ ﺩﻳﺎﻝ ﻟﻮﺭﺍﻕ ﺍﻟﻠﻪ ﻳﻠﻜّﻴﻬﺎ ﻟﻴﻪ ﻭﺻﻠﺖ ﻣﻊ 8 ﻭﺧﺎ ﺃﻧﺎ ﻓﺨﺪﻣﺘﻲ ﻋﺎﺩﺓ ﻣﻜﻨﺪﺧﻞ ﺗﺎﻝ 9 ﻟﻘﻴﺘﻮ ﻭﺍﺻﻞ ﻭﻣﺨﺸﻲ ﻓﻠﻮﺭﺍﻕ ﻣﻜﺮﻫﺘﺶ ﻳﻜﻮﻥ ﺗﻴﻴﻮ ﻟﺤﻤﺮ ﻓﻴﺪﻱ ﻫﺎﻫﺎﻫﺎ 

ﻋﻠﻰ ﺳﻼ‌ﻣﺔ ﺷّﺪﻱ ﺑﺤﺎﻝ ﺍﻟﺨﺪﻣﺔ ﺩﻳﺎﻝ ﺍﻟﺒﺎﺭﺡ ﻓﺎﺵ ﻧﺤﺘﺎﺟﻚ ﻧﻌﻴﻄﻠﻴﻚ ﻓﺎﻟﺘﻠﻴﻔﻮﻥ ﻭﻟﻲ ﺳﻮﻝ ﻋﻠﻴﺎ ﻗﻮﻟﻴﻠﻴﻪ ﻓﺎﺟﺘﻤﺎﻉ 

ﻣﻌﺎﻣﻦ ﺃﺃﺃﺃﻩ ﻭﺍﺧﺔ ﺟﻠﺴﺖ ﻓﺎﻟﺒﻴﺮﻭ ﺩﻳﺎﻝ ﺳﻜﺮﺗﻴﺮﺍ ﻭﺑﺪﻳﺘﻚ ﻛﻨﺪﻭﺭ ﻓﺎﻟﻜﺮﺳﻲ ﺩﻳﺎﻟﻬﺎ ﺍﻟﻤﺘﻌﺔ ﻭﺍﺧﺎ ﻟﺒﻴﻴﺮﻭ ﺩﻳﺎﻝ ﻫﺪﺍﻙ ﻣﻘﺎﺑﻞ ﻣﻌﺎﻳﺎ ﻭﻟﻜﻦ ﻣﻜﻴﺒﺎﻥ ﻟﻴﺎ ﻭﺍﻟﻮ ﺑﺪﻳﺖ ﺍﻟﺨﺪﻣﺔ ﻣﺎﻫﺰﻳﺖ ﺭﺍﺳﻲ ﺗّﺎ ﺻﻮﻧﺎ ﺗﻴﻠﻴﻔﻮﻥ ﻫﺰﻳﺘﻮ ﺑﻜﻞ ﺛﻘﺔ ﻭ ﻏﺮﻭﺭ 

ﺁﻟﻮﻭﻭﻭﻭﺍﺍﺍﺍﺍﺍ 

ﺃﻟﻮ ﻋﻔﺎﻙ ﻛﺎﻳﻦ ﻣﺤﺴﻦ ؟؟ 

ﻻ‌ ﺷﻜﻮﻥ ﺑﻐﺎﺗﻮﺍ ﺃﻧﺎ ﻣﺮﺍﺗﻮﺍ 

ﻭﺍﺵ ﺑﺼﺢ ﺃﻧﺎ ﺍﺧﺘﻮﺍ (ﻣﺼﺪُﻭﻭﻣَﺔ) ؟؟؟  

ﺍﻳﻮﺍ ﻣﺮﺣﺒﺎ ﺑﻴﻚ ﺃﻟﻮﺳﺘﻲ ﺗﻲ ﻭﻋﻜﻮﺯﺗﻲ ﺗﻐﺪﺍﻭ ﻋﻨﺪﻧﺎ ﻛﺴﻜﺴﻮ ﻏﺪﺍ..ﻫﻴﻬﻲ ﻗﺎﻟﺘﻠﻚ ﻣﺤﺴﻦ ﻟﻮﺍﻩ ﻛﺒﻮﺭ ﻏﺪﺍ ﺗﺪﻋﻲ ﻣﻌﺎﻳﺎ ﻓﺎﺵ ﺗﺎﻛﻞ ﻛﺴﻜﺴﻮ ﻫﻪ .ﺳﻠﻴﺖ ﺧﺪﻣﺘﻲ ﺩﻳﺘﻬﺎ ﻟﻴﻪ ﻟﻘﻴﺘﻮﻛﻴﻬﻀﺮ ﻓﺘﻴﻠﻴﻔﻮﻥ ﻣﻌﺼﺐ ﺷﻴﺮ ﻟﻴﺎ ﺑﻴﺪﻳﻪ ﺑﺎﺵ ﻧﺒﻘﺎ ﻧﺘﺴﻨﺎ

ﺳﺎﻻ‌ - (ﻣﻌﺼﺐ) ﻭﺍﺵ – ﺳﻮﻝ - ﻋﻠﻴﺎ –ﺷﻲ ﺣﺪ ﻓﺘﻴﻠﻔﻮﻥ - ﻻ‌ﺍﺍﺍﺍﺍﺍ - ﺗﺄﻛﺪﻱ ﻣﺎﻋﻴﻂ ﺗﺎﺍﺍﺣﺪ؟؟؟ - ﻻ‌ﺍﺍﺍﺍﺍﺍ ﻋﻴﻄﺎﺕ ﻭﺣﺪﺓ ﻛﺎﻧﺖ ﻏﺎﻟﻄﺔ ﻛﺘﺴﻮﻝ ﻋﻠﻰ ﺧﻮﻫﺎ ﻣﺤﺴﻦ - ﻳﺨﻮﻱ ﻟﻴﻚ ﺿﺮﺍﺱ ﻫﺎﺩﻳﻚ ﺭﺍﻫﺎ ﺃﺧﺘﻲ - (ﻳْﺨﻮﻱ ﻟﻴﻚ ﺭﻛﺎﺑﻲ) ﻋﻠﻰ ﺍﻧﺖ ﺳﻤﻴﺘﻚ ﻟْﺤْﺴْﻦ - ﻣﺤﺴﻦ ﺍﺧﺮﺟﻲ ﻋﻠﻴﺎ ﺑﺰﺭﺑﺔ ﻧﺮﻣﺶ ﻣﻨﺸﻮﻓﻜﺶ

ﺗﺸﻮﻑ ﺟﻨﻴﺔ ﺑﻨﻬﺎﺭ ﺧﺮﺟﺖ ﻭ ﺑﺪﻳﺖ ﻛﻨﻌﻮﺝ ﻓﻴﻪ ﺗﺴﻤﻌﺖ ﻭﺍﺣﺪ ﺿﺮﺑﺔ ﻣﺠﻬﺪﺓ ﻓﻮﻕ ﻃﺒﻠﺔ ﻗﻔﺰﺓ ﻭﻣﺸﻴﺖ ﺗﻜﻤﺸﺖ ﺑﺤﺎﻟﻲ ﻭﻳﻠﻴﻴﻲ ﻗﻠﺖ ﻟﺨﺘﻮﺍ ﺃﻧﺎ ﻣﺮﺍﺗﻮ ﺷﺤﺎﻝ ﻭﺟﻬﻲ ﻗﺎﺻﺢ ﺧﺼﻨﻲ ﺍﻟﺤﺒﺲ ﺧﺮﺝ ﻣﻦ ﺍﻟﻤﻜﺘﺐ ﻛﻲ ﺍﻹ‌ﻋﺼﺎﺭ ﻣﻌﺎﻩ ﺯﻭﺑﻌﺔ ﺩﻳﺎﻝ ﻟﻮﺭﺍﻕ ﻻ‌ﺣﻬﻢ ﻋﻠﻴﺎ ﻭﺧﺮﺝ 

ﻋﺮﻓﺘﻲ ﻭﻣﺎﻧﻠﻘﺎﻫﻢ ﻭﺍﺟﺪﻳﻦ ﺃﻫﺎﺩﻳﻚ ﻟﻔﻌﻰ ﻏﺘﻜﻮﻥ ﻫﺎﺩﻱ ﻫﻲ ﻻ‌ﺧﺮﺍ ﻟﻴﻚ - (ﺗﻠﻮﻱ ﻋﻠﻴﻚ ﺇﻥ ﺷﺎﺀ ﺍﻟﻠﻪ) ﻭﺍﺧﺎ ﺃﺳﻴﺪﻱ 

ﺳاﻠﻴﺘﻬﻮﻡ ﻗﺒﻞ ﻣﺎﻳﺠﻲ ﺧﺘﻜﻮﻡ ﺭﺍﻫﺎ ﻃﻴﺎﺭﺓ ﻣﺎﺷﻲ ﻏﻴﺮ ﻓﺎﻟﻬﻀﺮﺓ ﺗﺎﻓﺎﻟﻜﺘﺎﺑﺔ ﻫﻪ ﺣﻠﻴﺖ ﺍﻟﻔﺎﻳﺴﺒﻮﻙ ﻧﺸﺎﻃﻲ ﺷﻮﻳﺔ ﻟﻘﻴﺖ ﻧﺒﻴﻠﺔ ﻟﻔﻠﻴﻔﻠﺔ ﺟﺎﺭﺗﻨﺎ ﻋﺎﺭﺿﺎﻧﻲ ﻟﻌﺮﺳﻬﺎ ﻧﻬﺎﺭ ﺍﻟﻸ‌ﺣﺪ ﻭ ﺍﻟﻴﻮﻡ ﺍﻟﺨﻤﻴﺲ ﻣﻌﺮﺿﺎﺗﻨﻴﺶ ﺑﻜﺮﻱ ﺑﺎﺵ ﻣﻨﺠﻴﺶ ﺯﻭﻳﻨﺔ ﺍﻟﻤﺴﻤﻮﻣﺔ ﻭﺣﻴﺖ ﻋﺎﺭﻓﺎﻧﻲ ﻣﺸﻐﻮﻟﺔ ﻣﻊ ﺍﻟﺨﺪﻣﺔ ﻣﺒﻘﻴﺘﺶ ﻛﻨﻄﻴﺮ ﺍﻟﺨﺒﺎﺭﺍﺕ ﻓﺴﻤﺎ ﻭﻟﻜﻦ ﻏﻴﺮ ﺑﻼ‌ﺗﻲ ﻋﻠﻴﻬﺎ 

ﺳاﻠﻴﺘﻴﻴﻲ؟؟ 

ﻗﻔﺰﺗﻴﻨﻲ ﺭﺍﻫﻤﺎ ﻓﻮﻕ ﺍﻟﺒﻴﺮﻭﺍ ﺩﺧﻞ ﻭﺯﺩﺡ ﻋﻠﻴﺎ ﺍﻟﺒﺎﺏ ﺑﻐﻴﺖ ﻳﺘﺴﺪ ﻟﻴﻪ ﻋﻠﻰ ﺻﺒﻊ ﺻﻐﻴﺮ ﻓﺮﺟﻠﻮ ﻳﺎ ﺭﺑﻲ ﻭﻧﺸﻮﻓﻮ ﺩﺍﻙ ﺳﺎﻋﺔ ﺍﻟﺮﻗﺺ ﺩﻳﺎﻝ ﻟﻴﺰﺍﻧﺪﻳﺎﻥ

ﺩﺍﺯ ﻳﻮﻡ ﺍﻟﺠﻤﻌﺔ ﻭﺍﻟﺴﺒﺖ ﺑﻼ‌ ﻣﺸﺎﻛﻞ ﺣﻴﺖ ﻫﺘﻠﺮ (ﻣﻮﻝ ﺷﺮﻛﺔ) ﻛﺎﻥ ﻣﺸﻐﻮﻝ ﻭﺣﺘﻰ ﻋﻘﻠﻲ ﻛﺎﻥ ﻣﺸﻄﻮﻥ ﺑﺎﻟﻌﺮﺱ ﺧﺼﻨﻲ ﻧﻜﺮﻱ ﻗﻔﻄﺎﻥ ﻭﺣﻴﺖ ﻣﻌﻨﺪﻳﺶ ﻟﻔﻠﻮﺱ ﻗﺮﺭﺕ ﻧﺤﻀﺮ ﻏﻴﺮ ﺑﻜﺴﻮﺗﻲ ﺍﻟﺤﻤﺮﺍ ﻭﺍﺧﺎ ﻣﻨﺤﻮﺳﺔ ﻭﻗﺮﺭﺕ ﻧﻘﺎﺩ ﺷﻌﺮﻱ ﻭﺧﺎ ﻛﻨﺪﻳﺮ ﺍﻟﻔﻮﻻ‌ﺭ ﻭﻧﺪﻳﺮ ﺍﻟﻤﻜﻴﺎﺝ ﺭﺍﻩ ﻫﺎﺩﻱ ﻫﻴﺎ ﺍﻟﻔﺮﺻﺔ ﺩﻳﺎﻟﻲ ﺍﻷ‌ﺧﻴﺮﺓ ﻓﺰﻭﺍﺝ ﻭﺟﺎﺀ ﺍﻷ‌ﺣﺪ ﺃﺧﻴﺮﺍ ﺳﻤﻌﺖ ﺗﻴﻠﻴﻔﻮﻥ ﻛﻴﺼﻮﻧﻲ ﻣﻊ 8 ﺩﻳﺎﻝ ﺻﺒﺎﺡ ﻓﻘﺖ ﻣﺒﻮﻗﺔ ﻫﺰﻳﺘﻮ ﺑﻼ‌ ﻣﻨﺸﻮﻑ ﺷﻜﻮﻥ - ﺃﻟﻮﺍ ﺑﻐﻴﺖ ﻏﻴﺮ ﻧﻌﺮﻑ ﺷﻜﻮﻥ ﻟﻠﻲ ﻣﺤﺮﺷﻚ ﻋﻠﻴﺎ ﻫﺎﺩ ﺻﺒﺎﺡ ﺃﻋﺒﺎﺩ ﺍﻟﻠﻪ ﻣﻘﻠﺖ ﺭﺑﻲ ﻧﺘﻔﻚ ﻣﻦ ﺩﺍﻙ ﻫﺘﻠﺮ 

ﺷﻜﻮﻥ ﻫﺘﻠﺮ؟؟ 

ﻣﻮﻝ ﺷﺮﻛﺔ (ﻫِﻴﻴﻴﻲ ﺻﻮﺕ ﺭﺍﺟﻞ) ﺷﻜﻮﻥ ﻧﺘﺎ؟؟؟

ﻣﻮﻝ ﺷﺮﻛﺔ ﺑﻐﻴﺘﻚ ﺩﺍﺑﺎﺍﺍ ﺗﻜﻮﻧﻲ ﻓﺸﺮﻛﺔ ﻭﻻ‌ ﻏﺎﺩﻱ ﻧﻮﺭﻳﻚ ﻫﺘﻠﺮ ﺷﻜﻮﻥ ﻫﻮ 

ﻗﻄﻊ ﻋﻠﻴﺎ ﻭﻟﺪ ﺍﻟﻬﻢ ﻟﻴﻮﻡ ﻳﻘﻄﻊ ﻟﻲ ﺭﺍﺱ

ﻧﺎﺭﻱ ﻭﺍﻟﻌﺮﺱ..ﻣًﻴْﺴﺎﻟﻲ ﻫﺎﺩ ﺍﻟﺸﻬﺮ ﺗﻨﻜﻮﻥ ﻓﺎﻟﺮﻭﺿﺔ 

ﻭﺻﻠﺖ ﻟﺸﺮﻛﺔ ﻟﻘﻴﺘﻬﺎ ﺧﺎﻭﻳﺔ ﻓﺎﺵ ﺷﻔﺘﻮ ﻣﻜﺮﻫﺘﺶ ﻧﻐﺰﻭ ﺑﺴﻨﺎﻧﻲ ﻭﺧﺎ ﻫﻜﺎﻙ ﺑﻘﺎ ﻓﻴﺎ ﺷﻮﻳﻴﻴﺔ ﻟﻘﻴﺘﻮ ﻣﺨﺸﻲ ﻓﻮﺳﻂ ﻟﻮﺭﺍﻕ ﻭ ﺗﺎﻟﻒ ﺃﻭﻝ ﻣﺮﺓ ﻧﺸﻮﻓﻮ ﻓﻬﺎﺩ ﺍﻟﺤﺎﻟﺔ ﺑﺪﻳﺖ ﻛﻨﻘﻠﺐ ﻣﻌﺎﻩ ﻋﻠﻰ ﻭﺍﺣﺪ ﺍﻟﻮﺭﻗﺔ ﺑﺎﻳﻨﺔ ﻣﻬﻤﺔ ﺗﺎﻝ 11 ﻋﺎﺩ ﻟﻘﻴﻨﻬﺎ ﻭﺷﺤﺎﻝ ﻓﺮﺣﻨﺎ ﻭﺃﻭﻝ ﻣﺮﺓ ﺑﺪﻳﻨﺎ ﻛﻨﻀﺤﻜﻮ ﺑﺠﻮﺝ ﺿﺤﻜﺘﻮ ﺷﺤﺎﻝ ﻛﺪﻭْﺏ ﻭﻧﺎ ﺑﺎﻗﺎ ﻛﻨﺪﻭﺏ ﺳﻤﻌﺖ ﺧﺮﺧﺎﺷﻲ ﻛﻴﺼﻮﻧﻲ ﺗﻬﻮﺍ ﻣﺎﻟﻘﺎ ﺇﻣﺘﻰ 

ﺃﻟﻮ ﻫﺎﻧﺎ ﺟﺎﻳﺎ .. ﻣﺸﻴﺘﻮ ﺑﻼ‌ ﺑﻴﺎ ﻋﻨﺪ ﻧﻜّﺎﻓﺔ ﻭﺍﻟﻠّﻪ ﺗﻨﻘﺠﻜﻮﻡ ﺃﺷﻴﺨﺎﺕ ﺣﺮﺍﻡ ﻋﻠﻴﻜﻢ ﺃﻭﻑ ﺑﺴﻼ‌ﻣﺔ 

ﻣﻌﺮﻭﺿﺔ ﻟﻌﺮﺱ ﻫﻪ ﻃﺒﻌﻴﻠﻴﺎ ﻫﺎﺩ ﻟﻮﺭﺍﻕ ﺑﺎﺵ ﻣﻴﺘﻠﻔﻮﺵ ﻟﻴﺎ ﺗﺎﻧﻲ 

ﻭ ﻟﻜﻨﻨﻨﻦ ﻭﺧﺎﺍﺍﺍ ﻃﺒﻌﺘﻬﻮﻡ ﻭﺃﻧﺎ ﻋﻠﻰ ﺃﻋﺼﺎﺑﻲ 

ﺻﺎﻓﻲ ﻫﺎﻫﻮﻣﺎ ﻭﺍﺧﺎ ﻧﻤﺸﻲ ﺃﺷﺎﻑ 

ﻣﺎﻟﻜﻲ ﻣﺰﺭﻭﺑﺔ ﺗﻜّﻮﻝ ﻧﺘﻲ ﻟﻌﺮﻭﺳﺔ 

ﻭﺭﺍﻩ ﺍﻟﻰ ﻣﺤﻀﺮﺗﺶ ﻟﻬﺎﺩ ﺍﻟﻌﺮﺱ ﻋﻤﺮﻧﻲ ﻣﻨﻜﻮﻥ ﻋﺮﻭﺳﺔ ﻭ ﻃﻮﺑﻴﺴﺎﺕ ﻣﻜﻴﺒﻐﻴﻮﺵ ﻳﻮﻗﻔﻮ ﻓﻬﺎﺩ ﺍﻟﻮﻗﺖ 

ﺗﺄﻧﺎ ﻏﺎﺩﻱ ﺇﻟﻰ ﺑﻐﻴﺘﻲ ﻧﻮﺻﻠﻚ ﻓﻄﺮﻳﻘﻲ 

ﺍﻟﻰ ﻣﻜﻨﺘﺶ ﻏﺎﺩﻱ ﻧﻌﻄﻠﻚ 

ﻻ‌

ﻳﻼ‌ﻩ ﻣﺸﻴﻨﺎ ﻋﻨﺪﻭ ﻭﺍﺣﺪ ﻃﻨﻮﺑﻴﻞ ﻭﺍﺍﺍﻭ ﺑﺤﺎﻝ ﻫﺎﺩﻳﻚ ﻟﻲ ﻓﻸ‌ﻓﻼ‌ﻡ ﻛﺤﻠﺔ ﻛﺘﻠﻤﻊ ﻣﻜﺮﻫﺘﺶ ﻧﻜّﻮﻟﻴﻪ ﺻﻮﺭﻧﻲ ﻣﻌﺎﻫﺎ ﻧﻔﻘﺺ ﺑﻴﻬﺎ ﻏﻴﺮ ﺍﻟﻌﺪﻳﺎﻥ ﻓﺎﻟﻔﺎﻳﺲ

ﻏﺎﺩﻱ ﺗﻠﺒﺴﻲ ﺍﻟﻜﺴﻮﺓ ﺯﺭﻗﺔ ﻭﻻ‌ ﺍﻟﺤﻤﺮﺍ 

ﺍﻟﺤﻤﺮﺍ..ﻭﻟﻜﻦ ﺑﺎﺵ ﻋﺮﻓﺘﻴﻨﻲ ﻏﻨﻠﺒﺲ ﻭﺣﺪﺓ ﻓﻴﻬﻢ؟؟ 

ﻣًﻤْﺤﺘﺎﺟﺎﺵ ﺗﻔﻜﻴﺮ ﻣﻦ ﻧﻬﺎﺭ ﺩﺧﻠﺘﻲ ﻟﺸﺮﻛﺔ ﻭﺍﻧﺖ ﻛﺘﺒﺪﻟﻲ ﻟﻮﺣﺪﺓ ﺑﻠﻮﺧﺮﺍ

ﻫﻪ ﻋﻨﺪﻭ ﺻﺢ ﻗﻠﺒﺖ ﻭﺟﻬﻲ ﻣﺮﺿﻴﺘﺶ ﻣﻦ ﺇﻣﺘﻰ ﻭﻫﻮ ﻛﻴﺪﻳﻬﺎ ﻓﺸﻨﻮ ﻛﻨﻠﺒﺲ ﺍﻟﻤﻬﻢ ﻭﺻﻠﻨﻲ ﺗﺎﻝ ﺭﺍﺱ ﺩﺭﺏ ﻏﻴﺮ ﺧﺮﺟﻨﺎ ﻭﻫﻲ ﺗﺠﻲ ﻋﻨﺪﻧﺎ ﻛﻲ ﺍﻟﻌﺎﺻﻔﺔ ﺧﺎﻟﺘﻲ ﺣﻠﻴﻤﺔ ﻣﺖ ﻧﺒﻴﻠﺔ ﺍﻟﻔﻠﻴﻔﻠﺔ ﻭﻣﺎﻣﺎ 

ﻣﺎﻣﺎ: ﺍﻟﻠﻪ ﻳﺎ ﺑﻨﺘﻲ ﺍﻟﻠﻪ ﺃﺵ ﻫﺎﺩ ﺗﻌﻄﻴﻠﺔ ﺧﺎﻟﺘﻲ 

ﺣﻠﻴﻤﺔ : ﺍﻟﻠﻪ ﻳﺎ ﻭﻟﻴﺪﻱ ﺍﻟﻠﻪ ﺃﺵ ﻫﺎﺩ ﻃﻨﻮﺑﻴﻠﺔ 

ﺃﻧﺎ : ﻫﺎﺩﺍ ﺷﺎﻑ ﺩﻳﺎﻟﻲ (ﺩﺭﺕ ﻋﻨﺪﻭ) ﺷﻜﺮﺍ ﺃﻭﺳﻤﺤﻠﻴﺎ ﻋﺪﺑﺘﻚ ﻣﻌﺎﻳﺎ 

ﺧﺎﻟﺘﻲ ﺣﻠﻴﻤﺔ : ﻣﺘﺴﻤﺤﺶ ﻟﻴﻨﺎ ﺗﺎﺣﻨﺎ ﺃﻭﻟﻴﺪﻱ ﻧﻌﺪﺑﻮﻙ ﻭﺍﺣﺪ ﺷﻮﻳﺎ ﺗﺠﻴﺐ ﻟﻴﻨﺎ ﺍﻟﻌﺮﻭﺳﺔ ﻣﻦ ﻋﻨﺪ ﺍﻟﻨﻜّﺎﻓﺔ ﺭﺍﻩ ﻣﺸﺎﺕ ﻣﺴﻴﻜﻴﻨﺔ ﻏﻴﺮ ﻓﻄﻮﻧﻮﺑﻴﻠﺖ ﺍﻟﺨﻀﺎﺭ 

ﺃﻧﺎ : ﻣﺸﻐﻮﻭﻭﻭﻝ ﺃﺧﺎﻟﺘﻲ ﻣﺸﻐﻮﻝ ﻭﺯﺍﻳﺪﻭﻥ ﻭﺍﺵ ﺑﺎﻏﺎ ﺗﺨﺮﺟﻲ ﻟﻴﺎ ﻋﻠﻰ ﺧﺪﻣﺘﻲ 

ﻣﺤﺴﻦ : ﻣﻜﺎﻳﻦ ﺗﺎ ﻣﺸﻜﻴﻞ ﺃﺧﺎﻟﺘﻲ ﻭﺍﻧﺖ ﻳﺎﻙ ﺑﺎﻏﺎ ﺗﻤﺸﻲ ﻋﻨﺪ ﻧﻜّﺎﻓﺔ ﻳﻼ‌ﻩ 

ﺧﺎﻟﺘﻲ ﺣﻠﻴﻤﺔ : ﺳﻴﺮ ﺃﻭﻟﻴﺪﻱ ﺍﻟﻠﻪ ﻳﻨﻮﺭﻙ ﻭﻳﺠﻴﺐ ﻟﻴﻚ ﺑﻨﺖ ﺍﻟﻨﺎﺱ ﻟﻲ ﺗﺴﺘﺎﻫﻠﻚ ﻭﺻﻠﻨﺎ ﻫﻮ ﺑﻘﺎ ﻛﻴﺘﺴﻨﺎ ﺑﺮﺍ ﻭﺃﻧﺎ ﺩﺧﻠﺖ ﺗﻜّﺎﺩﻳﺖ ﺭﺟﻌﺖ ﻭﺣﺪﺍ ﻭﺧﺮﺍ ﻭﻃﻠﻘﺖ ﺷﻌﺮﻱ ﻣﺎ ﺷﺎﺀ ﺍﻟﻠﻪ ﻋﻠﻴﺎ ﺃﻭﻝ ﻣﺮﺓ ﻳﻌﺠﺒﻨﻲ ﺭﺍﺳﻲ ﺗﺎﻓﻘﻨﺎ ﺃﻧﺎ ﻭﺍﻟﻌﺮﻭﺳﺔ ﻭﺍﻟﻨﻜّﺎﻓﺎﺕ ﻧﻤﺸﻴﻮ ﻣﻊ ﻣﺤﺴﻦ ﻭﺍﻟﺒﻨﺎﺕ ﻣﺸﺎﻭ ﻣﻊ ﺍﻟﺨﻀﺎﺭ ﺧﺮﺟﺖ ﺑﺎﺵ ﻧﻌﻠﻢ ﻣﺤﺴﻦ ﻛّﺎﻉ ﻣﺪﺍﻫﺎ ﻓﻴﺎ ﺑﺤﺎﻝ ﺷﻲ ﺣﺠﺮﺓ ﺩﺍﻳﺰﺓ ﻣﻦ ﻗﺪﺍﻣﻮ ﺣﻄﻢ ﻟﻴﺎ ﺍﻟﻤﻌﻨﻮﻳﺎﺕ ﻭﻟﺪ ﺍﻟﺤﺮﺍﻡ 

ﺑﺲ ﺑﺲ ﻭﺍﺵ ﻣﻜﺘﺸﻮﻓﺶ 

ﻭﺍﺵ ﻫﺎﺩﻱ ﺍﻧﺘﻲ ؟؟ ﻋﻘﻠﺘﻚ ﻏﻴﺮ ﺑﺎﻟﻜﺴﻮﺓ ﺗﺒﺪﻟﺘﻲ 

ﺧﺼﻨﺎ ﻧﻤﺸﻴﻮ ﺩﺍﺑﺎ ﻭﺻﻠﻨﺎ ﻟﻘﻴﻨﺎ ﺍﻟﻌﻴﺎﻻ‌ﺕ ﻛﻴﺰﻏﺮﺗﻮ ﻭﻛﻴﺼﻠﻴﻮﺍ ﻋﻠﻰ ﺍﻟﻨﺒﻲ ﻣﻜﺮﻫﺘﺶ ﻛﻮﻥ ﻛﻨﺎ ﺃﻧﺎ ﻭﻣﺤﺴﻦ ﻫﻮﻣﺎ ﻟﻌﺮﻭﺳﺔ ﻭﺍﻟﻌﺮﻳﺲ ﺃﻭﻳﻴﻴﻠﻲ ﺑﺎﻗﻲ ﻣﺒﺪﻳﺘﺶ ﺷﻄﻴﺢ ﻭﻃﻠﻌﺎﺕ ﻟﻴﺎ ﺳﺨﺎﻧﺔ ﺧﺮﺟﻨﺎ ﻣﻦ ﻃﻮﻧﻮﺑﻴﻞ ﻭﺍﻟﻌﺮﻭﺳﺔ ﺩﺧﻼ‌ﺕ ﻭ ﺑﻘﻴﻨﺎ ﺃﻧﺎ ﻭﻣﺤﺴﻦ ﺑﺮﺍ 

ﺧﺎﻟﺘﻲ ﺣﻠﻴﻤﺔ : ﺩﺧﻞ ﺃﻭﻟﻴﺪﻱ ﻣﺮﺣﺒﺎ ﺑﻴﻚ

ﻣﺤﺴﻦ : ﺗﺮﺣﺐ ﺑﻴﻚ ﺟﻨﺔ ﺃﺧﺎﻟﺘﻲ ﻭﻟﻜﻦ ﺧﺼﻨﻲ ﻧﻤﺸﻲ ﻭﻣﺒﺮﻭﻙ ﻣﺎﺩﺭﺗﻮﺍ (ﻭﺩﺍﺯ ﻣﻦ ﺣﺪﺍﻳﺎ ) ﺷﻄﺤﻲ ﻭﺭﺍﻋﻲ ﺭﻛﺐ ﻓﻄﻮﻧﻮﺑﻴﻠﺘﻮ ﻭﺯﺍﺩ 

ﺃﻧﺎ ﺑﻘﻴﺖ ﻣﺼﺪﻭﻣﺔ ﻭﺍﺵ ﻫﺪﺍ ﻣﺤﺴﻦ ﻣﻮﻝ ﺷﺮﻛﺔ ﻟﻠﻤﻮﻇﻔﻴﻦ ﻛﻴﺘﺮﻋﺪﻭﺍ ﻣﻨﻮﺍ ﺃﺵ ﻫﺎﺩ ﺍﻟﺘﻐﻴﻴﺮ ﻭﺍﺵ ﻏﻴﺮ ﺣﻴﺖ ﺑﺮﺍ ﻛﻴﺒﺎﻥ ﻋﻠﻰ ﻃﺒﻴﻌﺘﻮ ﻭﻻ‌ ﺃﻧﺎ ﻟﻲ ﺟﻴﺖ ﺯﻭﻳﻨﺔ ﻭﺩﻭﺧﺘﻮ ﻫﻪ ﺍﻹ‌ﺣﺘﻤﺎﻝ ﺍﻷ‌ﺧﻴﺮ ﻓﻘﻂ ﻟﺮﻓﻊ ﺍﻟﻤﻌﻨﻮﻳﺎﺕ ﺍﻟﻤﻬﻢ ﺍﻟﻌﺮﺱ ﺩﺍﺯ ﺯﻭﻳﻦ ﻭﺍﻟﻌﺮﻭﺳﺔ ﺟﺎﺕ ﺯﻭﻳﻨﺔ ﻭﺍﻟﻤﺎﻛﻠﺔ ﻛﺎﻧﺖ ﺑﻨﻴﻨﺔ ﻭﺃﻧﺎ ﺩﺭﺕ ﺑﺎﻟﻨﺼﻴﺤﺔ ﺷﻄﺤﺖ ﻏﻴﺮ ﺷﻮﻳﺎ ﻧﻬﺎﺭ ﺩﺍﺯ ﻃﻮﻳﻞ ﺃﻭ ﻭﺧﺎ ﺩﺍﺯ ﺯﻭﻳﻦ ﺗﻤﻨﻴﺖ ﻛﻮﻥ ﻣﺠﺎﺵ ﺣﻴﺖ ﻣﺤﺴﻦ ﻣﺒﻐﺎﺵ ﻳﻤﺸﻲ ﻟﻴﺎ ﻣﻦ ﺑﺎﻟﻲ ﻣﻌﺮﻓﺘﺶ ﻋﻼ‌ﺵ ﻣﻜﺮﻫﺘﺶ ﻳﻄﻠﻊ ﻧﻬﺎﺭ ﺩﻏﻴﺎ ﺑﺎﺵ ﻧﺸﻮﻓﻮ ﺗﺎﻧﻲ ﻭﻧﻮﻟﻲ ﻧﻜﺮﻫﻮ ﺑﺘﺼﺮﻭﻓﺎﺗﻮ ﻭﻳﺘﺤﻴﺪ ﻟﻴﺎ ﻣﻦ ﺑﺎﻟﻲ

ﻓﺎﺵ ﻭﺻﻠﺖ ﻣﻊ 8 ﻣﻠﻘﺘﻮﺵ ﻭﻣﻊ ﻣﻜﺎﻳﻦ ﻣﻴﺪﺍﺭ ﺗﻜﻴﺖ ﻋﻠﻰ ﺍﻟﻤﻜﺘﺐ ﻭﺩﺭﺑﺘﻬﺎ ﺑﻨﻌﺴﺔ ﺗﻔﻜﺮﺕ ﺃﻳﺎﻣﺎﺕ ﻟﻘﺮﺍﻳﺎ ﺷﺤﺎﻝ ﻛﺎﻳﺠﻲ ﻧﻌﺎﺱ ﺣﻠﻮﻭﻭ ﻓﺎﻟﻘﺴﻢ ﺧﺼﻮﺻﺎ ﻋﻨﺪ ﺍﻟﻔﻠﺴﻔﺔ ﻓﻘﺖ ﻣﻊ 10 ﻋﻠﻰ ﺻﻮﺕ ﺗﻠﻴﻔﻮﻥ - ﺻﺒﺎﺡ ﺍﻟﺨﻴﺮ ﺑﺎﻥ ﻟﻴﺎ ﺍﻟﻰ ﻣﻔﻴﻘﺘﻜﺶ ﻣﺘﻔﻘﻴﺶ ﻫﻪ ﺟﻴﺒﻲ ﺟﻮﺝ ﻛﻴﺴﺎﻥ ﺩﻳﺎﻝ ﺍﻟﻘﻬﻮﺓ ﻟﺒﻴﺮﻭ ﺩﻳﺎﻟﻲ ﺃﻭﻳﻠﻲ ﻫﺪﺍ ﻣﺤﺴﻦ ﺩﺍﺯ ﻣﻦ ﺣﺪﺍﻳﺎ ﻭ ﻟﻘﺎﻧﻲ ﻧﺎﻋﺴﺔ ﺃﻭ ﻣﻜًّﺎﻝ ﻭﺍﻟﻮ ﻣﺸﻴﺖ ﻏﺴﻠﺖ ﻭﺟﻬﻲ ﻭﺟﺪﺕ ﺍﻟﻘﻬﻮﺓ ﺑﺰﺭﺑﺔ ﺣﻠﻴﺖ ﺍﻟﺒﺎﺏ ﺑﺮﺟﻠﻲ ﺣﻴﺖ ﻛﺎﻥ ﻏﻲ ﻣﺮﺩﻭﺩ ﻭﺩﺧﻠﺖ ﺣﻄﻴﺖ ﻟﻴﻪ ﺍﻟﻘﻬﻮﺓ ﻗﺪﺍﻣﻮ 

ﻭﺍﻟﻜﺎﺱ ﺗﺎﻧﻲ ﺍﻧﺖ ﻏﻲ ﺑﻮﺣﺪﻙ ﻭﻻ‌ّ ﻏﺘﺸﺮﺑﻬﻮﻡ ﺏ 2 

ﻭﺍﺵ ﻧﺘﻲ ﻋﻤﻴﺎ ﺭﺍﻩ ﺣﻨﺎ ﺑﺠﻮﺝ ﻭﻻ‌ ﻳﻼ‌ﻩ ﻓﺎﻳﻘﺔ ﻣﻦ ﻧﻌﺎﺱ ﻣﻨﺪﻳﺶ ﻋﻠﻴﻚ ﺟﻠﺴﻲ ﻭﺷﺮﺑﻴﻪ ﻳﻼ‌ﻩ ﺗﻔﻴﻘﻲ ﺇﻳﻮﺍ ﺭﺟﻌﺎﺕ ﺳﻨﺪﺭﻳﻼ‌ ﻣﻦ ﺍﻟﺤﻔﻠﺔ ﻟﻘﺎﺕ ﺍﻷ‌ﻣﻴﺮ ﻭﻻ‌ ﻣﺰﺍﻝ 

ﻫﻬﻪ (ﻟﻘﺎﺕ ﺍﻟﺮﺋﻴﺲ) ﻟﻘﻴﺖ ﺯﻋﺘﺮ ﺷﻔﺘﻚ ﻭﻟﻴﺘﻲ ذﺮﻳﻒ ﺳﺒﺤﺎﻥ ﺍﻟﻠﻪ 

ﺃﻧﺎ ﺩﻳﻤﺎ ذﺮﻳﻒ ﻏﻴﺮ ﻣﻜﺎﻳﻨﺶ ﻣﻌﺎﻣﻦ ﻣﻜﺎﻳﻨﺶ 

ﻭﻟﻴﺘﻲ ﻛﺒﻮﺭ ﺑﻨﺎﻧﻲ ﺳﻤﻴﺮﺳﻲ ﺇﻣﺘﻰ ﻏﺎﺩﻱ ﺗﺠﻲ ﺳﻴﻜﺮﺗﻴﺮﺗﻚ 

ﺗﻮﺣﺸﺘﻴﻬﺎ ﻭﺍﻻ‌ّ ﺑﺎﻏﺎ ﺗﻔﻜﻲ ﻣﻨﻲ ﻫﻪ ﻧﻬﺎﺭ ﺍﻷ‌ﺭﺑﻌﺎﺀ 

ﺩﺍﺯ ﻧﻬﺎﺭ ﺩﻏﻴﺎ ﻭﻛﻠﻮ ﺧﺪﻣﺔ ﺭﺟﻌﺖ ﻟﺪﺍﺭ ﻭﺣﺎﻟﺘﻲ ﻫﻲ ﺣﺎﻟﺘﻲ ﻣﺎﺯﺍﻝ ﻛﻨﻔﻜﺮ ﻓﻴﻪ ﻭ ﺗﺼﺮﻓﺎﺗﻮ ﺟﺪﻳﺪﺓ ﻣﻜﺘﺴﺎﻋﺪﻧﻴﺶ ﻋﻠﻰ ﻧﻜﺮﻫﻮ ﻭﻳﺘﺤﻴﺪ ﻟﻴﺎ ﻣﻦ ﺑﺎﻟﻲ ﻟﺪﺍﻛﺸﻲ ﻭﻟﻴﺖ ﻛﻨﻘﻠﺐ ﻋﻠﻰ ﺷﻲ ﺣﺎﺟﺔ ﻧﻜﺮﻫﻮ ﺑﻬﺎ ﻣﺘﻼ‌ ﻫﻮ ﺣﻴﺖ ﻟﺒﺎﺱ ﻋﻠﻴﻪ ﻳﻜﻮﻥ ﻣﻜﻴﺼﻠﻴﺶ ﻳﻘﺪﺭ ﻳﻜﻮﻥ ﻛﻴﺴﻜﺮ ﻭﺃﻭﻋﺎﻃﻴﻬﺎ ﻏﻴﺮ ﺍﻟﺒﻨﺎﺕ ﻭﺍﻟﻘﺼﺎﻳﺮ .. ﻭﻟﻜﻦ ﺃﻧﺎ ﻣﺎﻟﻲ ﺷﻐﻠﻲ ﺁﺁﺁﺁﺁﺁﺍﻩ ﺍﻟﻤﺶ ﻓﺎﺵ ﻣﻜﻴﻠﺤﻘﺶ ﺍﻟﻘﺪﻳﺪﺓ ﻛﻴﻜّﻮﻟﻴﻬﺎ ﺧﺎﺍﺍﺍﻧﺰﺓ ﺃﻣﻴﻤﺘﻲ ﺃﺵ ﻫﺎﺩ ﺍﻟﻮﺣﻠﺔ

ﺃﺧﺮ ﻧﻬﺎﺭ ﻏﻨﻜﻮﻥ ﻗﺮﻳﺒﺔ ﻣﻨﻮ ﺧﺼﻨﻲ ﻧﺠﻤﻊ ﺭﺍﺳﻲ ﻓﺎﺵ ﺩﺧﻠﺖ ﻛﺎﻥ ﻫﻮ ﻓﻠﺒﻴﺮﻭ ﻛﻤﻠﺖ ﺧﺪﻣﺘﻲ ﻭﺩﻳﺘﻬﺎ ﻟﻴﻪ ﺩﻗﻴﺖ ﺍﻟﺒﺎﺏ ﻭﺩﺧﻠﺖ ﺑﻼ‌ ﻣﻨﺴﻤﻊ ﺍﻹ‌ﺫﻥ ﺩﻳﺎﻝ ﺩﺧﻮﻝ ﻭﻳﺎﺭﻳﺘﻨﻲ ﻣﺪﺧﻠﺖ ﻟﻘﻴﺖ ﻣﺤﺴﻦ ﻛﻴﺼﻠﻲ ﺃﺡ ﺃﺯﻫﺮﻱ ﻭﺍﺵ ﻫﺎﺩﺍ ﻛﻴﻘﺮﺍ ﺃﻓﻜﺎﺭﻱ ﺭﺟﻌﺖ ﺑﻠﻮﺭ ﻭﺳﺪﻳﺖ ﺍﻟﺒﺎﺏ ﻭﺣﻄﻴﺖ ﻟﻮﺭﺍﻕ ﻟﻲ ﻛﻨﺖ ﻫﺎﺯﺍ ﻓﺎﻷ‌ﺭﺽ ﻭﻫﺰﻳﺖ ﻳﺪﻱ ﻟﺴﻤﺎ 

ﻳﺎﺳﻴﺪﻱ ﻳﺎ ﺭﺑﻲ ﺟﻌﻠﻮ ﻣﻦ ﻧﺼﻴﺒﻲ ﻭﻳﻜﻮﻥ ﺣﻼ‌ﻟﻲ ﻭﺑﺎﺕ ﻭﻻ‌ﺩﻱ ﻳﺎﺭﺑﻲ ﻭﺧﺎ ﻏﻴﺮ ﺑﻴﺖ ﻭ ﻛﻮﺯﻳﻨﺔ ﻣﻌﺎﻩ ﻭﺍﻧﺎ ﺑﺎﻗﻲ ﻛﻨﺪﻋﻲ ﺗﺤﻼ‌ﺕ ﺍﻟﺒﺎﺏ ﻳﺦ ﺗﺠﻤﺪﺕ ﻓﺒﻼ‌ﺻﺘﻲ - ﺃﺵ ﻛﺪﻳﺮﻱ ﻭ ﻣﺎﻝ ﻟﻮﺭﺍﻕ ﻣﺤﻄﻮﻃﻴﻦ ﻓﺎﻷ‌ﺭﺽ - ﺁﺁ ﺯﻟﻘﻮ ﻟﻴﺎ ﻣﻦ ﻳﺪﻱ - ﻣﺎﻝ ﻳﺪﻳﻚ ﺟﻠﻴﺠﺔ - (ﻭﺟﻬﻚ ﻟﻲ ﻗﺰﺩﻳﺮﺓ) ﻳﺪﻳﺎ ﺭﻭﻃﺒﻴﻦ ﻟﺪﺍﻛﺸﻲ ﺍﺣﻢ ﺍﺣﻢ - ﻻ‌ ﺑﺎﻳﻨﻴﻦ, ﻳﺪﻳﻦ ﺍﻟﺒﻨﺎﻱ ﺭﻭﻃﺒﻴﻦ ﻋﻠﻰ ﻳﺪﻳﻚ ﺑﺸﻮﻳﻴﻴﺔ ﻫﻬﻪ - ﺑﺼﺎﺍﺡ ﺃﻭ ﺟﻬﻚ ﻗﺼﺢ ﻣﻦ ﺍﻟﻤﺮﻃﻮﺏ ﺑﺸﻮﻳﻴﻴﺔ ﻫﻴﻬﻴﻪ - ﺇﻳﻮ ﺍﺣﺘﺎﺭﻣﻲ ﺍﻟﻤﺪﻳﺮ ﺷﻮﻳﺔ ﺭﺍﻩ ﻛﻄﻴﺤﻲ ﻟﻴﻪ ﺍﻟﻤﻌﻨﻮﻳﺎﺕ ﺃﺃﺃﻭ ﻭﺟﻬﻲ ﺑﺤﺎﻝ ﺍﻟﻤﺮﻃﻮﺏ - ﻻ‌ ﺃﺷﺎﻑ ﻗﺼﺢ ﺷﻮﻳﺔ 

ﻗﻠﺖ ﺟﻤﻠﺘﻲ ﺍﻷ‌ﺧﻴﺮﺓ ﻭﻫﺮﺑﺖ ﺧﻔﺖ ﻋﻠﻰ ﻣﺴﺘﻘﺒﻠﻲ ﺍﻟﻤﻬﻨﻲ ﻭﺍﻟﻤﻌﻴﺸﻲ ﻧﺎﺭﻱ ﺷﺤﺎﻝ ﻟﺴﺎﻧﻲ ﺳﻠﻴﻂ ﻧﻬﺎﺭ ﻭﺍﺣﺪ ﻣﻘﺪﺭﺗﺶ ﻧﺠﻤﻊ ﻓﻴﻪ ﻓﻤﻲ ﺍﻟﻠﻪ ﻳﺨﺮﺝ ﺍﻟﻌﻘﻴﺒﺔ ﺑﻴﺨﻴﺮ ﺩﺍﺯ ﻧﻬﺎﺭ ﺍﻷ‌ﺧﻴﺮ ﻭ ﻛﻮﻟﺸﻲ ﻏﻴﺘﻐﻴﺮ ﻓﺤﻴﺎﺗﻲ ﺍﻟﻤﻬﻨﻴﺔ ﻭﻟﻜﻦ ﻟﻲ ﻣﻜﺎﻧﺶ ﻓﺨﺒﺎﺭﻱ ﺃﻥ ﺗﺎ ﺣﻴﺎﺗﻲ ﺷﺨﺼﻴﺔ ﻏﺘﺒﺪﻝ ﻭﺻﻠﺖ ﻟﺪﺍﺭ 

ﻣﺎﻣﺎ ﻋﺘﻘﻲ ﻋﺘﻘﻲ ﺭﺍﻧﻲ ﻛﻨﻤﻮﻭﻭﺕ ﺑﺎﻟﺠﻮﻉ 

ﺃﻭﻳﻠﻲ ﻭﺣﺪﻱ ﻣﻌﺮﻓﺖ ﺃﺵ ﻋﺠﺒﻮ ﻓﻴﻚ ﻋﻨﺪﺍﻙ ﻳﻜﻮﻥ ﻋﻤﺎ 

ﺷﻜﻮﻥ ﻟﻲ ﻋﻤﺎ؟ 

ﻋﻠﻰ ﺑﺎﻗﻲ ﻣﻔﺨﺒﺎﺭﻛﺶ ﻳﺎﻻ‌ﻟﺔ ﻧﻬﺎﺭ ﺍﻟﻌﺮﺱ ﺩﻳﺎﻝ ﻧﺒﻴﻠﺔ ﺷﺎﻓﻚ ﻫﻮ ﻭ ﻣﻮ ﻭﻋﺠﺒﺘﻴﻬﻮﻡ ﺣﻤﺎﻗﻮ ﻋﻠﻴﻚ 

ﺷﻜﻮﻥ ؟ 

ﺯﻭﻳﻦ ﻟﻲ ﻛﺎﻥ ﻓﺪﺍﻙ ﺍﻟﻌﺮﺱ ﺳﻲ ﻣﺮﻭﺍﻥ ﻋﻠﻰ ﻣﺰﻳﻨﺎﺗﻮ ﺭﺍﺟﻞ ﺧﺪﺍﻡ ﻓﻔﺮﺍﻧﺴﺎ ﻗﺎﻟﻚ ﺑﻐﺎ ﻳﺠﻲ ﻳﺨﻄﺒﻚ ﺑﺎﺵ ﻓﺼﻴﻒ ﻳﺘﺰﻭﺟﻚ ﻭﻳﺪﻳﻚ ﻣﻌﺎﻩ ﺃﻧﺎ ﻣﺒﻐﻴﺘﺶ ﻧﺒﻴﻦ ﻟﻴﻬﻢ ﺑﻠﻲ ﻫﻮﻣﺎ ﺃﻭﻝ ﻭﺣﺪﻳﻦ ﺟﺎﻭ ﻳﺨﻄﺒﻮﻙ ﻭﺣﻨﺎ ﻣﺎﺷﻲ ﻣﻠﻬﻮﻓﻴﻦ ﻋﻠﻴﻬﻢ ﻟﺪﺍﻛﺸﻲ ﻗﻠﺖ ﻟﻴﻬﻢ ﻧﻔﻜﺮﻭﺟﺎﺏ ﺍﻟﻠﻪ ﺟﺎﻭ ﻋﻨﺪﻱ ﻣﺎﺷﻲ ﻋﻨﺪﻙ ﻛﻮﻥ ﻭﺍﻓﻘﺘﻲ ﻓﻠﺒﻼ‌ﺻﺔ ﻭﺑﺤﺎﻝ ﻭﺍﻟﻮ ﺗﺰﻳﺪﻳﻪ ﻋﻨﺪ ﺍﻟﻌﺪﻭﻝ ﺩﺍﻙ ﺳﺎﻋﺔ 

ﻣﻤﻮﺍﻓﻘﺎﺵ 

ﺃﻭﻳﻠﻲ ﻭﺣﺪﻱ ﻛﻮﻟﻲ ﻛﻮﻟﻲ ﺗﻴﻔﺎﺵ ﻛﺘﺨﻮﺍ ﻟﻴﻚ ﺍﻟﻜﺮﺵ ﻛﻴﺨﻮﺍ ﻟﻴﻚ ﺩﺍﻙ ﺍﻟﻌﻘﻞ ﻛﻠﻴﺖ ﻭﺃﻧﺎ ﻋﻘﻠﻲ ﺳﺎﺭﺡ ﺗﺎ ﻟﻘﻴﺖ ﺭﺍﺳﻲ ﻛﻨﻐﻤﺲ ﻓﻄﺒﺴﻴﻞ ﺧﺎﻭﻱ ﺩﻭﺯﺕ ﻟﻘﻤﺔ ﻟﺨﺮﺍ ﺑﺎﻟﻤﺎ 

ﺗﻜﻠﻤﻲ ﻟﻌﺼﺎﺑﺔ ﺩﻳﺎﻟﻚ ﺭﺍﻫﻮﻣﺎ ﺣﺪﺍ ﺍﻟﺒﺎﺏ ﻛﻴﺘﺴﻨﺎﻭﻙ ﺯﻋﻤﺔ ﻏﻴﺘﺔ ﻭ ﻣﺎﺟﺪﺓ 

ﺧﺮﺟﺖ ﻋﻨﺪﻫﻢ ﺷﺎﻓﻮ ﻓﻴﺎ ﻭﻗﻠﺒﻮ ﻭﺟﻬﻢ 

ﻏﻴﺘﺔ: ﺷﻮﻓﻲ ﺃﺧﺘﻲ ﻣﺎﺟﺪﺓ ﻣﺒﻘﺎﺕ ﺛﻘﺔ ﻓﺼﺤﺎﺑﺎﺕ ﺗﺨﻄﺒﺎﺕ ﻭﻗﻠﺒﺎﺕ ﻋﻠﻴﻨﺎ ﻭﺟﻬﺎ 

ﻣﺎﺟﺪﺓ : ﺃﻩ ﻭﺷﺤﺎﻝ ﺩﺭﻧﺎ ﻓﻴﻬﺎ ﺩﻳﺎﻝ ﺛﻘﺔ ﺃﺳﺮﺍﺭﻧﺎ ﻛﺎﻣﻠﻴﻦ ﻋﺎﻭﺩﻧﺎ ﻫﻢ ﻟﻴﻬﺎ ﻭﻫﻲ

ﻏﻴﺘﺔ: ﻭﻛﺎﻧﺖ ﻋﺎﺭﻓﺔ ﺑﻠﻲ ﻫﺎﺩﻭﻙ ﻟﻲ ﻣﻦ ﻓﺮﺍﻧﺴﺎ ﻛﻴﻘﻠﺒﻮ ﻋﻠﻰ ﺍﻟﻤﺮﺍ ﺍﻟﻤﺮﺯﻧﺔ ﻟﺪﺍﻛﺸﻲ ﺗﺒﺎﺕ ﻭﻣﺸﻄﺤﺎﺗﺶ ﻛﻴﻒ ﺷﻴﺨﺔ ﺑﺤﺎﻝ ﺩﻳﻤﺔ ﺃﻧﺎ: ﺇﻳﻮﺍ ﺍﻟﻠﻪ ﻳﻨﻌﻞ ﻟﻲ ﻣﻴﺤﺸﻢ ﺯﻋﻤﺔ ﺭﺍﻧﻲ ﺣﺪﺍﻛﻢ ﻣﺎ ﻛﺎﻳﻦ ﺷﻲ ﺷﻴﺨﺎﺕ ﻗﺪﻛﻢ ﻭﺯﺍﻳﺪﻭﻥ ﺃﻧﺎ ﻣﺒﻐﺎﻫﺶ ﺧﺪﻭﻩ ﺇﻟﻰ ﺑﻐﻴﺘﻮﻩ 

ﻏﻴﺘﺔ: ﺃﻩ ﺗﻴﻘﻨﺎﻙ ﺗﻜﻮﻧﻲ ﻧﻘﺰﺗﻲ ﻣﻦ ﺍﻟﻔﺮﺣﺔ ﻣﻠﻲ ﺳﻤﻌﺘﻲ ﺍﻟﺨﺒﺎﺭ 

ﻣﺎﺟﺪﺓ : ﻫﺎﻛﺎ ﻛﻴﻘﻮﻟﻮ ﻛﻠﻬﻢ ﻣﻌﺠﺒﻴﺶ ﻣﺤﺎﻣﻼ‌ﻫﺶ ﻣﻌﻨﺪﻭﺵ ﻟﻤﻮﺍﺻﻔﺎﺕ ﻟﻲ ﻛﻨﺘﻤﻨﻰ ﻣﺎﺷﻲ ﺭﻭﻣﺎﻧﺴﻲ ﺑﺤﺎﻝ ﺗﺎﻣﺮ ﺣﺴﻨﻲ ﻭﻓﻠﺨﺮ ﻛﺘﻘﻮﻟﻚ ﺍﻟﻌﺪﺍﻭﺓ ﻛﺘﻮﻟﺪ ﺍﻟﻤﺤﺒﺔ ﻭﺳﺒﺤﺎﻥ ﻣﺒﺪﻝ ﺍﻷ‌ﺣﻮﺍﻝ 

ﺃﻧﺎ: ﺑﺎﺭﻛﺎ ﺃﻧﺎ ﺭﺍﻩ ﺑﺼﺢ ﻣﺒﻐﻴﺘﻮﺵ ﻭﺩﻟﻴﻞ ﺃﻥ ﻗﻠﺒﻲ ﻋﺎﻣﺮ ﻭﺍﺵ ﺑﺎﻳﻨﺎ ﻟﻴﻜﻢ ﻋﻠﻰ ﻭﺟﻬﻲ ﺍﻟﻔﺮﺣﺔ 

ﻣﺎﺟﺪﺓ : ﺷﻜﻮﻥ ؟؟؟ -

ﺃﻧﺎ: ﻫﺘﻠﺮ ﻣﻮﻝ ﺷﺮﻛﺔ ﻟﻲ ﻭﺻﻠﻨﻲ ﻧﻬﺎﺭ ﺍﻟﻌﺮﺱ ﻋﻘﻠﺘﻮ ﻳﺎﻙ 

ﻏﻴﺘﺔ: ﻫﻪ ﻧﺎﺭﻱ ﻣﻠﻘﻴﺘﻲ ﻓﺎﺵ ﻃﻴﺤﻲ ﻏﻴﺮ ﻓﺨﻨﺸﺔ ﺩﻳﺎﻝ ﺍﻟﻬﻨﺪﻳﺔ ﻋﺎﻣﺮﺓ ﺑﺸﻮﻙ 

ﺃﻧﺎ: ﺩﺍﺑﺎ ﻭﺍﺵ ﻏﺘﻌﺎﻭﻧﻮﻧﻲ ﺭﺍﻩ ﻧﻌﺎﺱ ﻣﺒﻘﺎﺵ ﻛﻴﺠﻴﻨﻲ ﻭﺍﻟﻤﺎﻛﻠﺔ ﻣﺒﻘﺎﺗﺶ ﻛﺪﻭﺯ ﻟﻴﺎ 

ﻏﻴﺘﺔ: ﻛﺘﻘﻄﻌﻲ ﻟﻘﻠﺐ ﻭﺍﻟﻠﻪ ﻭﻟﻜﻦ ﺭﺍﻩ ﻣﻦ ﺛﺎﻣﻦ ﺍﻟﻤﺴﺘﺤﻴﻼ‌ﺕ ﺗﺰﻭﺟﻲ ﻧﺘﻲ ﻭﻳﺎﻩ 

ﻣﺎﺟﺪﺓ : ﺃﻧﺎ ﻣﻦ ﻋﻨﺪﻱ ﻧﺘﺒﺮﻉ ﻟﻴﻚ ﺑﺴﻲ ﻣﺮﻭﺍﻥ ﺣﻴﺖ ﺑﻘﻴﺘﻲ ﻓﻴﺎ 

ﺃﻧﺎ: ﻳﺎﻙ ﺃﻟﻔﻌﺎﺕ ﻋﻘﻠﺘﻲ ﺃﻻ‌ﻟﺔ ﻏﻴﺘﺔ ﻧﻬﺎﺭ ﻛﻨﺘﻲ ﻣﺰﻋﻮﻃﺔ ﻓﺸﻌﻴﺒﺔ ﻣﺎﺷﻲ ﻳﻮﻣﻴﻦ ﻭﺍﻧﺎ ﻭﺍﻗﻔﺔ ﺣﺪﺍ ﺩﺍﺭﻭ ﺗﺎﻝ ﻧﻬﺎﺭ ﺗﺎﻟﺖ ﺧﺮﺟﺎﺕ ﻋﻨﺪﻱ ﻣﻮ ﺑﺎﻟﻜﺮﺍﻃﺔ ﺟﺮﺍﺕ ﻋﻠﻴﺎ ﻭﺍﻧﺘﻲ ﺃﻻ‌ﻟﺔ ﻣﺎﺟﺪﺓ ﻧﻬﺎﺭ ﺣﺼﻠﻚ ﺑﺎﻙ ﻭﺍﻗﻔﺔ ﻣﻌﺎ ﺻﻄﻴﻄﻴﻒ ﺷﻜﻮﻥ ﻟﻲ ﻓﻜﻚ ﻳﺎﻙ ﺃﻧﺎ ﺑﺎﻗﻴﻦ ﺍﻷ‌ﻃﺮﺍﺱ ﺩﻳﺎﻝ ﺗﺼﺮﻓﻴﻘﺘﻮ ﻓﻮﺟﻬﻲ 

ﻏﻴﺘﺔ: ﺻﺎﻓﻲ ﺻﺎﻓﻲ ﺟﻴﺮﺍﻥ ﻛﻴﺴﻤﻌﻮ ﻋﻨﺪﻭ ﻭﺍﺗﺴﺎﺏ 

ﺃﻧﺎ: ﺃﻧﺎ ﻟﻲ ﻣﻌﻨﺪﻳﺶ 

ﻣﺎﺟﺪﺓ : ﺍﻟﻔﺎﻳﺴﺒﻮﻙ ﺗﻮﻳﺘﺮ ﺃﺭﻱ ﻟﻴﻨﺎ ﻏﻲ ﻧﻤﺮﺗﻮ ﻭﻻ‌ ﺳﻤﻴﺖ ﻣﻮ 

ﺃﻧﺎ: ﻣﻌﻨﺪﻱ ﺗﺎﺣﺎﺟﺔ ﻋﻴﻂ ﻟﻴﺎ ﻭﺍﺣﺪ ﺍﻟﻤﺮﺓ ﻭﻟﻜﻦ ﻣﻦ ﺷﺮﻛﺔ 

ﻏﻴﺘﺔ: ﺑﻘﺎ ﻟﻴﻚ ﺣﻞ ﻭﺍﺣﺪ ﺳﻴﺮﻱ ﻗﻮﻟﻲ ﻟﻴﻪ ﻛﻨﺒﻐﻴﻚ ﺇﻟﻰ ﻗﺎﻟﻴﻚ ﺗﺎ ﺃﻧﺎ ﻏﺎﺩﻱ ﺗﺰﻳﺪﻱ ﺗﺒﻐﻴﻪ ﻭﻳﻼ‌ ﻗﺎﻟﻚ ﻻ‌ ﻏﺎﺗﻮﻟﻲ ﺗﻜﺮﻫﻴﻪ ﺳﺎﻫﻠﺔ 

ﺃﻧﺎ: ﺇﻳﻮ ﺻﺎﻑ ﻓﻠﻴﺴﻘﻂ ﺍﻟﺤﺐ ﻭﺗﺒﻘﻰ ﺍﻟﻜﺮﺍﻣﺔ 

ﻣﺎﺟﺪﺓ : ﺷﻮﻓﻮ ﺷﻜﻮﻥ ﻛﻴﻬﻀﺮ ﻋﻠﻰ ﺍﻟﻜﺮﺍﻣﺔ ﻋﻘﻠﺘﻲ ﻧﻬﺎﺭ ﺟﻠﺴﺘﻲ ﻓﻄﺮﻳﻖ ﻭ ﺿﺮﺑﺘﻲ ﻛﻴﻠﻮ ﺩﻳﺎﻝ ﻟﻜﺮﻣﻮﺱ ﻭﺗﺒﻌﺘﻴﻠﻮ ﻛﻴﻠﻮ ﺩﻳﺎﻝ ﺍﻟﻬﻨﺪﻳﺔ ﻟﻲ ﻳﺪﻭﺯ ﻳﺸﻮﻑ ﻋﻘﻠﺘﻲ ﻭﻣﺎﺑﻐﺎﺵ ﻳﺮﺩ ﻟﻴﻚ ﻋﺸﺮﺓ ﺩﺭﻳﺎﻝ ﺩﻳﺎﻝ ﺻﺮﻑ ﻭﺧﺸﻴﺘﻲ ﻟﻴﻪ ﻭﺟﻬﻮ ﻓﺎﻟﻬﻨﺪﻳﺔ ﻭﻧﻬﺎﺭ

ﺃﻧﺎ: ﻟﻠﻘﻮﻯ ﺻﺎﻓﻲ ﺳﻜﺘﻴﻨﺎ ﺍﻟﻜﺮﺍﻣﺔ ﻣﻦ ﺑﻌﺪ ﺍﻷ‌ﻛﻞ ﻛﻴﻨﺼﺤﻮ ﺑﻴﻬﺎ ﻣﻮﺍﻟﻴﻦ ﺍﻟﻔﺮﻣﺎﺳﻴﺎﻥ ﻧﻬﺎﺭ ﻛﺎﻥ ﻗﻠﺒﻲ ﺧﺎﻭﻱ ﻭﻣﺤﺮﻭﻗﺔ ﻋﻠﻰ ﺯﻭﺍﺝ ﺗﺎﺣﺪ ﻣﺪﺍﻫﺎ ﻓﻴﺎ ﻭﻧﻬﺎﺭ ﻭﻟﻴﺖ ﻣﺰﻋﻮﻃﺔ ﺟﺎﻭﻧﻲ ﺍﻟﺨﻄﺎﺏ ﻧﺤﺲ ﻻ‌ﺻﻘﻨﻲ ﻓﻴﻦ ﻣﺎﻣﺸﻴﺖ ﺍﻟﻠﻪ ﻳﺤﻀﺮ ﺳﻼ‌ﻣﺔ

ﺩﺍﺯﻭ ﻟﻴﺎﻡ ﻭ ﺃﻧﺎ ﻣﺰﺍﻻ ﻣﻬﻤﻮﻣﺔ ﻭﺍﺵ ﻧﺘﺰﻭﺝ ﺑﺮﺍﺟﻞ ﻭ ﻓﻘﻠﺒﻲ ﻭﺍﺣﺪ ﺃﺧﻮﺭ ﻭﻻ ﻧﺒﻘﺎ ﻻ ﻫﺪﺍ ﻻ ﻫﺪﺍﻙ ﺭﺟﻌﺖ ﻟﺨﺪﻣﺘﻲ ﺍﻟﻘﺪﻳﻤﺔ ﺗﻼﺗﺔ ﺩﻳﺎﻝ ﺣﻮﺍﻳﺞ ﻣﻴﻜﺘﺒﺪﻟﻮﺵ ﻓﺎﻟﺸﺮﻛﺔ ﻟﻮﺭﺍﻕ ﻟﻲ ﻣﻜﻴﺴﺎﻟﻴﻮﺵ ﻭ ﺗﺒﺮﻛّﻴﻚّ ﻭ ﻧﻤﻴﻤﺔ ﻟﻲ ﻣﻜﻴﺘﻘﻀﺎﻭﺵ ﻭ ﺩﺍﻙ ﺍﻟﻤﺼﻴﺒﺔ ﺩﻳﺎﻝ ﺳﻴﻜﺮﻳﺘﻴﺮﺍ ﻟﻲ ﻏﺎﺩﺍ ﺟﺎﻳﺎ ﻋﻨﺪﻱ ﺃﻭﻑ 

ﺧﺪﻳﺠﺔ : ﻳﻴﻴﻴﻴﻴﺦ ﺷﺤﺎﻝ ﻣﻜﻨﺤﻤﻠﺶ ﻫﺎﺩﻳﻚ ﻟﻤﻌﻴﻮﺟﺔ ﺩﻳﺎﻝ ﺳﻴﻜﺮﻳﺘﺮﺍ 

ﺃﻧﺎ : ﺯﻳﺪﻳﻨﻲ ﻋﻠﻴﻚ ﺃﻭ ﺷﺤﺎﻝ ﻓﻴﻬﺎ ﺩﻳﺎﻝ ﻟﻌﻴﺎﻗﺔ 

ﺧﺪﻳﺠﺔ : ﻫﺎﺩﺷﻲ ﻏﻴﺮ ﺭﺍﻫﺎ ﺳﻴﻜﺮﻳﺘﻴﺮﺍ ﻋﻠﻢ ﺍﻟﻠﻪ ﻓﺎﺵ ﺗﻮﻟﻲ ﻣﻦ ﻣﻮﺍﻟﻴﻦ ﺷﺮﻛﺔ 

ﺃﻧﺎ : ﻛﻴﻔﺎﺵ !!! 

ﺧﺪﻳﺠﺔ : ﻋﻠﻰ ﻣﻔﺨﺒﺎﺭﻛﺶ ﻏﺘﺰﻭﺝ ﺑﻤﻮﻝ ﺷﺮﻛﺔ 

ﺃﻧﺎ : ﺃﻭﻳﻠﻲ ﻣﻴﻤﺘﻲ 

ﺧﺪﻳﺠﺔ : ﻣﺎﻟﻜﻲ ﻭﻟﻴﺘﻲ ﺻﻔﺮﺍ !!! 

ﺃﻧﺎ : ﺍﺍﺍ ﺇﻟﻰ ﻭﻻﺕ ﻫﻲ ﻣﻮﻻﺕ ﺷﺮﻛﺔ ﺭﺍﻩ ﻏﺎﺩﻱ ﺗﺮﺩﻧﻲ ﺟﻔﺎﻑ ﺩﻳﺎﻝ ﺍﻟﺒﺎﺏ ﻭ ﺍﻟﻠﻪ ﻣﻨﺰﻳﺪ ﻫﻨﺎ ﺩﻗﻴﻘﺔ ...ﺍﺳﺘﻘﺎﻟﺖﻱ ﻟﻤﻦ ﻧﻌﻄﻴﻬﺎ؟؟ ﺧﺪﻳﺠﺔ : ﺃﻭﻳﻠﻲ ﻧﻌﻠﻲ ﺷﻴﻄﺎﻥ ﺍﻟﻤﺪﻳﺮ ﺷﺎﺩ ﻛﻮﻧﺠﻲ ﺧﺼﻚ ﺗﻌﻄﻴﻬﺎ ﻟﺮﺋﻴﺲ ﻭﻻ ﻟﺴﻴﻜﺘﻴﺮﺗﻮ 

ﺃﻧﺎ : ﺧﺦ ﻋﻠﻰ ﺯﻫﺮ ﻛﺘﺒﺖ ﺍﺳﺘﻘﺎﻟﺘﻲ ﻭ ﻣﺤﻴﺖ ﺷﻲ ﺩﻣﻴﻌﺎﺕ ﻛﺎﻧﻮ ﻛﻴﻄﻠﻮ ﻭﻣﺎﻟﻮ ﻳﺘﺰﻭﺝ ﺑﻤﻦ ﻣﺎﺑﻐﺎ ﻭﺍﺧﺎ ﻏﻴﺒﻘﺎ ﻓﻴﺎ ﻟﺤﺎﻝ ﻭﻟﻜﻦ ﻛﻴﻘﻮﻟﻮ ﺟﻮﻉ ﺻﻌﺐ ﻣﻦ ﺍﻟﺤﺐ ﻫﺎﺩﺷﻲ ﻟﻲ ﺑﺮﺩ ﻟﻴﺎ ﻋﻠﻰ ﻗﻠﺒﻲ ﺩﻗﻴﺖ ﻋﻠﻰ ﺑﺎﺑﻮ ﻭﻣﻜﺮﻫﺘﺶ ﻛﻮﻥ ﺩﻗﻴﺖ ﻋﻠﻰ ﻗﻠﺒﻮ 

ﺭﺍﻧﻴﺎ ﻳﺎﻙ ﻻﺑﺎﺱ 

ﻭﺍﻟﻮ ﺑﺎﺱ ﺟﻴﺖ ﻧﻘﺪﻡ ﺍﺳﺘﻘﺎﻟﺘﻲ 

ﻣﻤﻜﻦ ﻧﻌﺮﻑ ﻋﻼﺵ ؟؟ 

ﻗﺎﻟﻬﺎ ﻟﻴﺎ ﻣﺨﻲ 

ﻭﻟﻜﻦ ﺃﻧﺎ ﻣﺤﺘﺎﺟﻚ ﺑﺰﺍﻑ ﺳﻴﻜﺮﻳﺘﺮﺗﻲ ﻏﺎﺩﻱ ﺗﺰﻭﺝ ﻭﺃﻧﺎ ﺑﻐﻴﺘﻚ ﺗﻮﻟﻲ ﺑﻼﺻﺘﻬﺎ 

ﻋﻼﺵ ﻏﺎﺩﻱ ﺗﺠﻠﺴﻬﺎ ﻓﺪﺍﺭ ﺑﻌﺪ ﺯﻭﺍﺝ 

ﻻ ﻏﻴﺮ ﻋﻠﻰ ﻣﺪﻭﺯ ﺷﻬﺮ ﺍﻟﻌﺴﻞ 

ﻭﻋﻠﻰ ﺍﻧﺘﺎ ﻣﻐﺪﻭﺯﻭﺵ ﻣﻌﺎﻫﺎ ؟ 

ﺩﻭﺯﻭ ﻣﻌﺎ ﺭﺍﺟﻠﻬﺎ ﺃﻧﺎ ﻣﺎﻟﻲ 

ﻋﻠﻰ ﺍﻧﺘﺎ ﻣﺎﺷﻲ ﺭﺍﺟﻠﻬﺎ؟؟؟؟؟ 

ﺁﺁﺁ ﻣﺎﻟﻲ ﺗﺴﻄﻴﺖ ﺑﻐﻴﺘﻲ ﺧﻮﻳﺎ ﻳﻘﺘﻠﻨﻲ 

ﺁﺁﺁﻩ ﻳﺤﻠﻴﻠﻲ ﻏﺘﺰﻭﺝ ﺑﺨﻮﻭﻭﻭﻙ ﻫﻬﻬﻬﻪ ﺇﻳﻮﺍ ﻣﺒﺮﻭﻭﻭﻭﻙ ﻫﻪ 

ﻣﺎﻟﻜﻲ ﻛﻀﺤﻜﻲ ﻛﺎﻥ ﻳﺴﺤﺎﺑﻚ ﻏﺘﺰﻭﺝ ﺑﻴﺎ ﻟﻬﺎﺩ ﺩﺭﺍﺟﺔ ﻓﺮﺣﺘﻲ ﻫﻬﻪ 

ﻧﻦ ﻭﺃﻧﺎ ﺷﻐﻠﻲ ﻓﻴﻜﻢ ﺃﺻﻼ ﺃﻧﺎ ﻏﺎﺩﻱ ﻧﺘﺰﻭﺝ ﻭﻏﺎﻧﻤﺸﻲ ﻣﻌﺎ ﺭﺍﺟﻠﻲ ﻟﻔﺮﺍﺍﺍﺍﻧﺴﺎ ﻣﻤﻢ 

ﻭﺍﺵ ﺑﺼﺢ ﻋﻤﺮﻭ ﻫﻀﺮ ﻣﻌﺎﻙ ﻣﺒﺎﺷﺮﺓ 

ﻛﻴﻔﺎﺵ !!!!!!! 

ﺣﻴﺖ ﺃﻱ ﻭﺍﺣﺪ ﻳﺴﻤﻊ ﻟﺴﺎﻧﻚ ﻃﻮﻳﻞ ﻏﺎﺩﻱ ﻳﺪﻳﺮ ﻟﻌﺰﻭﻑ ﻋﻦ ﺍﻟﺰﻭﺍﺝ 

ﺑﺰﺍﺍﺍﺍﻑ ﻋﻠﻴﻚ ﺃﻧﺎ ﺟﺎﻭﻧﻲ ﺑﺰﺍﺍﺍﻑ ﺩﻳﺎﻝ ﻟﺨﻄﺎﺏ ﻛﻴﺘﻤﻨﺎﻭ ﻳﺴﻤﻌﻮ ﻛﻠﻤﺔ ﻣﻦ ﻋﻨﺪﻱ 

ﺳﻜﺘﻲ ﻏﻄﻴﺢ ﻋﻠﻴﻨﺎ ﺷﺮﻛﺔ ﺑﻜﺪﻭﺑﻚ 

ﻋﺎﻭﺩﻫﺎ ﺭﺍﺳﻚ ﺃﻧﺎ ﻟﻲ ﺩﺍﻳﺮﺓ ﻓﻴﻚ ﺭﺍﺳﻲ ﺑﺴﻼﻣﺔ ﺩﻭﺭﺕ ﻭﺟﻬﻲ ﺑﻐﻴﺖ ﻧﻤﺸﻲ ﺑﺤﺎﻟﻲ ﻭ ﺷﺤﺎﺍﺍﺍﺍﻝ ﺗﺼﺪﻣﺖ ﻣﻠﻲ ﺷﻔﺖ ﺍﻟﺒﺎﺏ ﻛﻴﺒﻴﻦ ﺩﺍﻛﺸﻲ ﻟﻲ ﺑﺮﺍ ﻓﻠﺒﻼﺻﺔ ﺗﻔﻜﺮﺕ ﺷﺤﺎﻝ ﻣﻦ ﻣﺮﺓ ﻋﻮﺟﺘﻮ ﻭﺭﻛﻠﺖ ﺍﻟﺒﺎﺏ ﻓﻴﻬﺎ ﺑﻜﺘﺮﺓ ﺻﺪﻣﺔ ﺟﺎﺗﻨﻲ ﺩﻭﺧﺔ 

ﺭﺍﻧﻴﺎ ﻳﺎﻙ ﻟﺒﺎﺱ ﻣﺎﻟﻜﻲ - ﺍﻟﺒﺎﺍﺍﺏ - ﻣﺎﻟﻮ؟ - ﻛﻴﺒﻴﻦ - ﻫﻬﻬﻬﻪ ﺃﺟﻲ ﻧﻮﺭﻳﻚ ﻭﺍﺣﺪ ﻟﺤﺎﺟﺔ (ﺟﺒﺪ ﻟﺒﻴﺴﻲ ﺩﻳﺎﻟﻮ ) ﺷﻮﻓﻲ ﻫﺎﺩﻱ ﻛﺎﻣﻴﺮﺍ ﻓﺎﻟﺒﻴﺮﻭ ﻟﻲ ﺑﺮﺍ ﻭﻫﺎﺩﻱ ﻓﻴﻦ ﺧﺪﺍﻣﺔ ﻋﻴﻨﻴﻚ ﻓﺎﺵ ﻛﺘﺮﻣﺸﻴﻬﻮﻡ ﻛﻨﺸﻮﻓﻬﻢ 

ﺃﻭﻳﻠﻲ ﻭﻋﻼﺵ ﻣﻄﺮﺩﺗﻴﻨﻴﺶ ﻣﻦ ﺍﻟﺨﺪﻣﺔ 

ﻛﻞ ﻣﺮﺓ ﻛﻨﺒﻐﻲ ﻧﻄﺮﺩﻙ ﻛﻨﺤﺘﺎﺟﻚ ﻭﻣﺮﺓ ﺑﻌﺪ ﻣﺮﺓ ﻟﻘﻴﺖ ﺭﺍﺳﻲ ﻣﻨﻘﺪﺭﺵ ﻧﺪﻭﺯ ﻧﻬﺎﺭ ﺑﻼ ﻣﺸﻮﻓﻚ ﻛﻨﺖ ﻣﻜﻨﺤﻤﻠﻜﺶ ﻭﻟﻴﺘﻲ ﻛﺘﻌﺠﺒﻴﻨﻲ ﻣﻦ ﺑﻌﺪ ﻭﻟﻴﺖ ﻛﻨﺒﻐﻴﻚ ﻭﺑﻐﻴﺘﻚ ﺗﻜﻮﻧﻲ ﻣﺮﺍﺗﻲ ﻷﺧﺮ ﻧﻬﺎﺭ ﻓﺤﻴﺎﺗﻲ 

ﺃﻧﺎ ﻣﻜﻨﺒﻐﻴﻜﺶ 

ﻭﺍﺵ ﺑﺼﺢ ﻗﺎﻟﺖ ﻟﻴﺎ ﻣﺎﺟﺪﺓ ﻭﻏﻴﺜﺔ ﻟﻌﻜﺲ ﺻﺎﻓﻲ ﻧﺨﺘﺎﺭ ﻭﺣﺪﺓ ﻣﻨﻬﻢ 

ﻭﺍﻟﻠﻪ ﺗﺎﻧﻘﺠﻚ ﺍﻧﺖ ﻭﻳﺎﻫﻢ ﺻﺎﻓﻲ ﻛﻨﺒﻐﻴﻚ ﻭﻛﻨﻤﻮﺕ ﻋﻠﻴﻚ ﺃﺳﻴﺪﻱ

ﻫﻪ ﺃﺣﻴﺎﻧﻲ ﻋﻠﻴﻜﻢ ﺃﻟﺒﻨﺎﺕ ﺇﻳﻮ ﺇﻣﺘﻰ ﻧﺠﻲ ﻟﺪﺍﺭﻛﻢ - (ﻏﺪﺍﺍﺍﺍﺍﺍﺍ ) ﻟﻠﻲ ﺑﻐﻴﺘﻲ 

ﻭﻫﺎﺩﺍﻙ ﻟﻲ ﻓﻔﺮﺍﻧﺴﺎ 

ﻣﻌﻨﺪﻳﺶ ﻣﻊ ﻟﻔﺮﻭﻧﺴﻲ ﻫﻬﻪ ﻭ ﺯﺍﻳﺪﻭﻥ ﻏﻴﺘﺔ ﻭﻣﺎﺟﺪﺓ ﺣﺎﻃﻴﻦ ﻋﻠﻴﻪ ﺍﻟﻌﻴﻦ ﻭﺍﻟﻠﻪ ﻻ ﺣﻠﻤﺖ ﺑﻴﻪ 

ﻫﻬﻪ ﻣﺎﻣﺎ ﻭﺍﺧﺘﻲ ﻛﻴﺘﺴﺎﻟﻮ ﻓﻴﻚ ﻛﺴﻜﺴﻮ - ﻛﻴﻔﺎﺵ؟؟؟؟ 

ﻧﻬﺎﺭ ﻋﻴﻄﺎﺕ ﺍﺧﺘﻲ ﻭﻗﻠﺘﻲ ﻟﻴﻬﺎ ﺍﻧﺘﻲ ﻣﺮﺍﺗﻲ ﻭﻣﺮﺣﺒﺎ ﺑﻴﻜﻢ ﻟﻜﺴﻜﺴﻮ 

ﻫﻪ ﻋﺠﻮﺯﺗﻲ ﻭﻟﻮﺳﺘﻲ ﻧﺪﻳﺮﻫﻢ ﺑﻴﻦ ﻋﻴﻨﻲ ﻳﻼ ﺑﻐﺎﻭ ﻧﻄﻴﺐ ﻟﻴﻬﻢ ﺩﺍﺑﺎ ﺭﻓﻴﺴﺔ ﻓﺸﺮﻛﺔ 

ﻫﻪ ﻛﻨﺒﻐﻴﻚ ﻭﻣﻌﺮﻓﺖ ﺃﺵ ﻋﺎﺟﺒﻨﻲ ﻓﻴﻚ 

ﺑﺼﺎﺡ ﺃﻧﺎ ﻟﻲ ﻣﻌﺮﻓﺖ ﺃﺵ ﻋﺠﺒﻨﻲ ﻓﻴﻚ ﻭﻗﻴﻼ ﺧﺼﻨﻲ ﻧﺪﻳﺮ ﺇﻋﺎﺩﺓ ﺗﻔﻜﻴﺮ ﻣﻤﻢ 

 ﻻ ﺻﺎﻓﻲ ﻋﺎﺟﺒﻨﻲ ﻓﻴﻚ ﻛﻮﻟﺸﻲ ﻭﺣﺘﺎ ﻟﺴﺎﻧﻚ ﺳﻠﻴﻂ ﻋﺎﺟﺒﻨﻲ

ﺩﺍﺯﺕ 8 ﺷﻬﻮﺭ ﺯﺩﺕ ﺗﻌﺮﻓﺖ ﻋﻠﻴﻪ ﻭﺑﻐﻴﺘﻮ ﻛﺜﺮ ﻭﺍﺧﺎ ﺗﺎ ﻫﻮ ﻟﺴﺎﻧﻮ ﺳﻠﻴﻂ ﺑﻌﺪ ﺍﻟﻤﺮﺍﺕ ﻭﻟﻜﻦ ﺣﻠﻮ ﻓﺄﻏﻠﺐ ﺍﻷ‌ﺣﻴﺎﻥ ﻭﻋﺎﺋﻠﺘﻮ ﻧﺎﺱ ﺿﺮﻳﻔﻴﻦ ﺑﺰﺍﻑ ﻣﺎﺟﺪﺓ ﺧﻄﺒﻬﺎ ﻣﻮﻝ ﺑﻮﺗﻴﻚ ﻟﺒﻮﻛّﻮﺹ ﻭﻻ‌ﻟﺔ ﻏﻴﺘﺔ ﺭﺍﻫﺎ ﻛﺘﻮﺟﺪ ﺗﻤﺸﻲ ﻟﻔﺮﺍﻧﺴﺎ ﻟﻮﺍﺕ ﺩﻏﻴﺎ ﻋﻠﻰ ﺳﻲ ﻣﺮﻭﺍﻥ ﻭ ﺃﻧﺎ ﺗﺰﻭﺟﺖ ﺑﺴﻲ ﻣﺤﺴﻦ ﺑﻌﺾ ﺍﻟﻤﺮﺍﺕ ﻛﻴﺒﻘﻰ ﻓﻴﺎ ﻣﺴﻜﻴﻦ ﻣﺰﺍﻝ ﻣﺸﺎﻓﺶ ﻟﺴﺎﻥ ﺳﻠﻴﻂ ﺩﻳﺎﻝ ﺑﺼﺢ ﻫﻬﻪ ﻭﺍﻧﺘﻮﻣﺎ ﻟﺒﻨﺎﺕ ﻟﻲ ﻣﺰﻭﺟﺔ ﺍﻟﻠﻪ ﻳﺮﺯﻗﻬﺎ ﺳﻌﺎﺩﺓ ﺯﻭﺟﻴﺔ ﻭ ﻟﻠﻲ ﻣﺨﻄﻮﺑﺔ ﺍﻟﻠﻪ ﻳﻜﻤﻞ ﻋﻠﻴﻬﺎ ﺑﺨﻴﺮﻭ ﻟﻲ ﻣﺎﺯﺍﻻ‌ ﺍﻟﻠﻪ ﻳﺮﺯﻗﻬﺎ ﺯﻭﺝ ﺻﺎﻟﺢ ﺍﻟﻠﻲ ﻳﺴﺘﺎﻫﻠﻬﺎ ﻭﺗﺴﺘﺎﻫﻠﻮ ﻭﻓﻠﺨﺮ ﻏﺎﺩﻱ ﻧﻘﻮﻝ ﻟﻴﻜﻢ ﻛﺎﻣﻠﻴﻦ ﻟﺤﻴﺎﺓ ﺩﺍﻳﺰﺓ ﻣﻌﺮﻓﻨﺎ ﺇﻣﺘﻰ ﻏﺎﺗﺴﺎﻟﻲ ﻟﺪﺍﻛﺸﻲ ﻧﺤﻤﺪﻭ ﺍﻟﻠﻪ ﻭﻧﻀﺤﻜﻮ ﻭﻧﻔﺮﺣﻮ ﻭﺍﺧﺎ ﻋﻠﻰ ﺃﺑﺴﻂ ﺍﻟﺤﻮﺍﻳﺞ ﺣﻴﺖ ﺍﻟﻠﻪ ﺩﻳﻤﺎ ﻣﻌﺎﻧﺎ ﻭﻛﻴﺪﻳﺮﻟﻴﻨﺎ ﻏﻲ ﻟﻲ ﻓﻴﻬﺎ ﻟﺨﻴﺮ 

ﺍﻟﻨﻬﺎﻳﺔ